DANIEL 12:4 - PATHIEN LEKHABU THIENGTHO (BSI)

⁴ “Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

DANIEL 12:4 ပူးပေါင်းရင်းမြစ်များ

DANIEL 12:9

Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.

THUPHUON 22:10

Chun, amah chun ka kawmah, “Zie lehkhabu a hilhlawkna thu haw hi îm ki’n; zie thil haw hung tunna ding chuh a nai ta ngai a.

DANIEL 8:26

Tichun, kilâkna thu na kawma kigen zosa, nitâk lam leh zingkal lama kithawihna haw kha hung dik vek ta’n a. Himahlele kilâkna thu haw chu îm chakkêi ah, ni tamtak nunga hungtung kim ding a hi ngâl a,” a ti a.

DANIEL 8:17

Ziephet chun Gabriel chuh a hung a, ka sik ah a ding a, ka lau mah mah ta a, lei tuol ah ka puktha ta a. Amah chun ka kawmah, “Aw mihing chapa, a umzie chuh hethiem in, Kilâkna chuh tawpna hun a ding ahi ngâla,” a ti a.

THUPHUON 10:4

Chun, van-gi sagihte’n a awu a hun suoh phet un, zik ka guot leh, “Vangi sagihte thugen chuh îm chak inla, zik dah ta’n,” ti’n van apat in aw ka za a.

DANIEL 12:13

“Aw nang Daniel, a tâwp tienga ginum in um in; nite tawpna achun châwl in na tin, hun tâwp achun na kipahman mu dinga hung thokit ding na hi ngâl a,” a ti a.

ISAI 32:3

Zie tieng chuleh, muh theih na mit neite chuh sukthim hi puo’n tin, chun, zakna dinga bil neite chun le ngaitha ta’n au.

ISAI 8:16

Hetsakna thu kiziel hi kân inla, Dan thu hi ka sinsakte lak ah nam in, tiemteh in.

MATTHAI 24:14

Chun, zie gam chanchin Pha hi nam chengcheng hetsakna dingin khawvel pumpi ah gen in um intin; zie zawh chu leh tawpna chuh hungtung in a.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

DANIEL 11:40

“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

DANIEL 10:1

Persia leng Kura lal kum thumna achun Daniel, a min Belteshazar vawh a umpa kawm achun thil a hung kilang a. Zie thil chuh a dik ngêi ahi a, zie chuh kidona lopi tak ahi; tichun, thil chuh a hethiem a, kilâkna hetthiemna a nei hi.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

THUPHUON 5:1

Chun, lalchutphah a chu pa khut changlam achun lehkhabu a sung leh a paw kizik, tiemtehna sagih a kitiemteh khum chuh ka mu a.

ISAI 29:11

Tichun, kilâkna thu hungtung ding cheng chuh, nang u dingin thu kiselgu leh, lehkhabu thu kiziel chak kêi bang ahi tai. Zie chuh a sim thei leh a hete kawmah, “Lungsiet takin ziehi sim ah,” ti’n pie mahleh, amah chun, “Ka sim thei puoi, a kichâl khum ahi ngâla,” ti’na.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

DANIEL 10:21

Mahleh, thudik zikna a kizik chuh hun hilh ing ka; zie tak ahin na lalpau Mikael chauh lo chuh ei panpih ding kuomah a um puou hi” ti’n.

DANIEL 12:5

Chun, kei Daniel in ka vak en a, ngaitie, midang nih ana ding u a, khat chuh lui pang kho zie lam ahin, khat chuh luinak lam achun a ding a.

DANIEL 8:19

Himahleh, “Ngaiin, tunung a Pathien lungnatna hungtung ding chuh hun etsak ding ka hi. Kilâkna chun hun tawpa thil ding a gen ngâl a.