DANIEL 12:3 - PATHIEN LEKHABU THIENGTHO (BSI)

³ Chun, a chingte chuh van vak guolin vak un tin, mi tamtak diktatna lama kilehhei sak kitte chuh aksite bangin kumkhuotuong in vak tan au.”

DANIEL 12:3 ပူးပေါင်းရင်းမြစ်များ

PAWTDAWKNA 34:35

Tichun, Israel chate chun Mosi mai chuh a vak et tieng u leh Mosi mai vak chun a salh seka; chun, Mosi chuh Pathien hopih dinga a lut kit masieh chuh maikhuhna chun a mai a khuh kit sek hi.

THUCHINGTE 11:30

Diktatna gah chuh hinna thing ahi a; kuole, thagau man chuh mipil ahi.

THUCHINGTE 3:35

Miching chuh zahna chang intin, himahleh, mingawl luhlulte chun zahchâkna chang un au.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

THUGENPA 12:9

Thugenpa chuh mipil a hih ziekin a thil hette chuh mi kawmah a gen zel a. Ahi, a ngaihtuoh a, a sut a, thuching te chuh a sim a, chuleh a dikna he dingin phachuomngai takin a patep zel a.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

JEREMIA 23:22

Ka lemguotna a amau le um hi leu chuh, ka thu hi ka mite kawma phuong ding ahiu a, tichun, a lampi diklo u apat chun kihei kit sak ding ahiu hi!

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

DANIEL 12:10

Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

MATTHAI 13:43

Zie tieng chuleh mi diktatte chuh a Pau gam achun ni guolin vak ta’n au. Kuole zakna dinga bil nei chun zau hen.

MATTHAI 19:28

Isu’n a kawmah, “Tihtakzet a ka hilh na hiu hi, Siemthakna achun Mihiem Chapa hi a lopina chutphah a chut tieng leh nanguh ei zui haw hi, Israel nam sawm leh nam nih te vaihawm sak in, Lalchutphah sawm le nih ah hung chuh ding na hiu hi.

MATTHAI 24:45

“Kuo pên ahi ding u leh, suok taksanum leh ching, a pu’n a phat chenga a an chanvo dinguh hawp sak dinga a inkawte chunga lawiupa a a kawih chuh?

JOHAN 4:36

Buh ât pa’n lawh a mu sek, kumkhuo a um dingin gah a la sek hi; a tuhpa leh a ât pa a kipâk gêl gêl nangun.

JOHAN 5:35

Zie Johan chuh thaumei kuong leh vak tak tawbang ahi a, a vaka um takdih na nuom sek u kha.

NASEPTE 13:1

Chun, Antiokei khuo a Sapchuom umte haw lak achun thiemgau leh mi sinsakte a um u a; ziehaw chuh: Barnabas te, Sumeon Niger a tih teu, (Niger chuh “Vawm” tihna ahi) Kurini khuo a um Lukias te, leng Herod vaihawmna ina mi khat Manaen te, leh Saul ahiu hi.

1 KORINTH 3:10

Pathien in thil ei piek chuh mang in, In sa lawiupa ching tak guolin, ken suong ka phut a, mi dangin a chunga in a sak uh ahi. Himahlele, mi tin, a chunga a sak dân dingu achun chingthei chiet u he’n.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

HEBRAI 5:12

A hun ngaihtuoh vangin, sinsakna nasem thei dinga kilawm na hi tau a; himahleh, Pathien thudik abul apat hun hilh ding mi mamawh kit na hitau maw? Buh gum hilo a, nawi sen nuom nalai bangte na hi tau hi!

2 PETER 3:15

Chun, I Lalpau thuokhat zie chuh, hukdamna dinga hunlemchang a hun piek bangin ngai un; I suohpihpau deihtak Paul in le, a kawma Pathien in chitna a piek dungzuia, na kawmuh a a hun zik bang khan.

THUPHUON 1:20

Ziehi, ka khut changlama aksi sagih um na muh te leh, sana thaumei kawihna sagihte thuguk chuh ahi. Aksi sagihte chuh, sapchuom haw lawi sagihte vânsâwlchâk ahiu a, thaumei kawihna sagihte chuh, sapchuom haw lawi sagihte chuh ahiu hi.

VAIHAWMTE 5:31

Khutibang chun, Aw Lalpa, na melmate chengcheng chuh mangthai vek u hen la, Amah hehpihte vang chuh hattak a chieh, nisa bang hi hitau hen,” ti’n la a sau a. Chun, gamsung chuh kum sawmli sung gâlmuong in a um tai.