DANIEL 12:2 - PATHIEN LEKHABU THIENGTHO (BSI)

² Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

DANIEL 12:2 ပူးပေါင်းရင်းမြစ်များ

ISAI 26:19

Na mithi te chuh hung hing kit untin, a luongteu chuh hung tho kit ina. Aw nang haw leivui a ipmute haw, hung tho unla, kipahna la sau in. Na dâichîm chuh thaichi dâichîm bang ahi a, hun sawt taka ana thite chuh lei hin hun paih dawk ding ahi ngâl a, tih hi.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

EZEKIEL 37:12

Zieziekchun, genlawk inla, a kawm u ah, Lalpa Pathien chun hiti hin a tii: Ngaitiem u, na thân hawu hawng ing ka ting, aw, ka mite haw, na thân u apat hun pawtsak ding ka hi; chun, Israel gam achun hun puilut ding ka hi.

THUPHUON 20:12

Chuleh, mithi te, a lien a neu in, lalchutphah ma a ding le ka mu a. Tichun, Lehkhabu chuh a keu uh a; chun, lehkhabu dang, Hinna Lehkhabu chule a keu uh a; tichun, mithi te chuh, lehkhabu haw a zik lut, a thilhih dungzui zel uh a vaihawm sak in a um tau hi.

NASEPTE 24:15

Chun, Pathien achun, zie mite hin kinepna a neih bang mah uh ken le ka nei a, zie chuh, mi pha leh mi phalote thihna apat thawhkitna um gel gel ding ahi tih hi.

1 THESSALONIKA 4:14

Isu a thi a, a tho kit tai tih I ginchak ngâl u chun. amah gingcha a na ipmusate chuh, Pathien in Isu tawh kitawn in puikit ding ahi ngâl a.

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.

HOSEA 13:14

Zie mite hi thihna khawvel apat in ka hukdawk dinga ahim? Thihna apat in amau chuh ka hukdawk dinga ahim? Aw thihna na gute chuh khawia um ahi ta’m? Aw Sheol, na sietna chuh khawia um ahi ta’m? Zie mite hi lungsiet lo hiel ding ka hi, lunghei leu le, bengkhawn puo’ng ka.

ROME 9:21

Bellei tâng khat apat a, bel khat lul taka denga, bel khat lullo taka dêng dingin, bel dengpa chun, bellei chungah thu a nei puoh a ahim?

NASEPTE 7:60

Chun, a khupdin a, aw ngeih tak in a kiko a, “Lalpa, zie a thilhih gitloh u hi, a chungu ah mawh puok sak ki’n,” a ti a. Chun, zie thu chuh a gen zawhin, a ipmu ta a.

THUCHINGTE 12:8

Mi chuh a pilna bang zelin pahchak in a um sek a, mi luhlulte vang chuh muhsit in um in au.