DANIEL 12:12 - PATHIEN LEKHABU THIENGTHO (BSI)

¹² Chun, ana ngak hâm hâm a, ni sangkhat leh zathum leh sawmthum leh nga beih tienga ginum taka ngak te chuh a hamphau ui.

DANIEL 12:12 ပူးပေါင်းရင်းမြစ်များ

DANIEL 8:14

Vânsâwlchâk dangin a dawnna chuh ka vak za kit a, “Ni sangnih leh za thum sung sutzawp hi’n tin, zie hun sung chun zingkal leh nitâk in kithawihna lat hi puo’n a. Zie zawh chuleh mun thiengtho chuh sukthien hi ta’n a,” a ti a.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

ROME 11:15

Amau haw paihthak na chuh, mihingte leh Pathien kicham kitna ahih chun, amau haw lawp kitna ding chuh, thihna apat hin kitna lo chuh banga hi ding?

THUPHUON 11:2

Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.

THUPHUON 12:6

Chun, numei chuh thaleka Pathien in amahnu dinga mun a guonggalhna mun achun a taimang a, zie tak a chuh ni sangkhat leh ni zanih leh ni sawmgup sung chuh a khawi theihna dingin.

THUPHUON 13:5

Tichun, sahang chuh, uong taka Pathien gensietna thu gen chuh phalsak ahi ta a, tha sawmli leh tha nih sung chuh thuneihna piek ahi tai.

EZEKIEL 4:6

Chun, ziehi na sukbutin tieng leh, changlam pang delh in ni sawmli sung kuol kit in na tin, Juda insung mite gitlohna chuh puo’n na tin, ni khat chuh kum khat tawh kituok zel dinga ka hun guot sak ahi.