DANIEL 12:10 - PATHIEN LEKHABU THIENGTHO (BSI)

¹⁰ Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

DANIEL 12:10 ပူးပေါင်းရင်းမြစ်များ

THUPHUON 22:11

“Mi diktatlo chuh, diktat lo in um zing hen la, mi diktat chuh, mi diktat in um zing hen; mi thienglo chuh, a thieng lo in um zing hen la, mi thiengtho chuh, a thiengtho in um zing ta hen!” a ti a.

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.

JOHAN 8:47

Pathien kawma pawt chun, Pathien thu a ngaitha sek hi. Zieziek taka chuh na ngaihnawp loh uh ahi, Pathien kawma pawt na hih loh ziekun,” a ti a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

LUKE 24:25

Ziephet chun, ama’n a kawm u ah, “Aw mingawlte haw! Thiemgaute thugen gingcha dinga ngawngte haw!

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

THUCHINGTE 1:5

Miching te chun le a het u a, thiemna a chuh a pun beh theihna dingin leh, hetthiemna nei mite chun vaihawmna dikte chuh a chan theihna dingun.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

EZEKIEL 47:11

Himahlele, lui panga buonthuok na mun leh dâwpte chuh sukthien hi puo’n tin, chi khuk dinga taihsan hi zaw’na.

THUPHUON 19:14

Vana sepaihte chun patngat puon ngim tak, vam tak silh in, sakawl kâng chunghaw a chuh chu’n a zui uh a.

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)

THUPHUON 16:11

A natnau leh a meimasieu ziek chun van Pathien chuh a gensieu a; a thilhih teu chuh a kisik diek puou hi.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

HEBRAI 12:10

Mihing lama I pateu chun, hun chawmcha khat sung chuh, pha a sak bang bangun ei na gawt sek ngei uh a, himahlele, Pathien chun, eimau mawng phatna ding leh, a thienthona I kikawppih theihna dingun ei thunun zawk sek uh ahi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

1 KORINTH 6:11

Na laku a khenkhat chuh khutibang mi na hi sek u kha. Himahlele, gitlohna apat a sukthien na hi tau a; Pathien kawma lat na hiu a; Lalpa Isu Krista leh, Pathien Thagau zâla chuh, Pathien tawh kichama siem na hi tau hi.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

MARK 4:11

Isu’n a kawm u ah, “Pathien gam thuguk chuh nang haw het vang phal ahi a, pawlama mite dingin vang chuh zie thil haw cheng hi tehkal thu a hih ahi;

DANIEL 12:3

Chun, a chingte chuh van vak guolin vak un tin, mi tamtak diktatna lama kilehhei sak kitte chuh aksite bangin kumkhuotuong in vak tan au.”

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

SAM LEHKHABU THE PSALMS 107:43

Kuole a pil tapoh in ziehaw chuh vawp phan tin, Lalpa chitna ngaihtuoh un au.

SAM LEHKHABU THE PSALMS 51:7

Husop in ei hih thieng inla, tichun, thieng ing ka. Ei silthieng inla, tichun, vuk sangin vam zawng ka.

1 SAMUEL 24:13

Malai thuching in, ‘Minunsie apat in nunsietna a hung pawt sek a,’ a ti a; himahlele na chungah ka khut tha puo’ng ka.

MALAKI 3:3

Dangkaguo hâltui pa leh hih thiengthopa bangin chu’n tin, Levi chate chuh hih thiengtho in tin, amau haw chuh sana leh dangkaguo hih thieng bangin amau haw hih thieng ina; diktatna thillat te Lalpa masanga lat masang un.