DANIEL 12:1 - PATHIEN LEKHABU THIENGTHO (BSI)

¹ “Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

DANIEL 12:1 ပူးပေါင်းရင်းမြစ်များ

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

MATTHAI 24:21

Zie tieng chu leh gimtheihna nasatak um ding a hi ngâl a; khutibanga nasa himhim chu, lei kisiem tûng apat, tu tieng hin a na um kha puoi, bangmah tikin um le hung um diek ta puo’n a.

MARK 13:19

Zie nihaw achun gimtheihna hung um ding ahi a; zie bang khawpa nasa mawng mawng chuh, Pathien siem, thilsiem pat tûng apat tu chan hin a um kha ngei puoh a, um le um kha ngei puo’n a.

DANIEL 10:13

Persia lalgam a lal chun ni sawmnih leh ni khat ei nang a.Ziephet chun, kei chauh a Persia gama nutsieh a um ka hih ziekin vânsâwlchâkte laka lawiupa khat, Mikael chuh ei panpih dingin a hung ta a. tichun, zie tak achun Persia lalgam a lal chuh tawh ka um zing ta a.

DANIEL 10:21

Mahleh, thudik zikna a kizik chuh hun hilh ing ka; zie tak ahin na lalpau Mikael chauh lo chuh ei panpih ding kuomah a um puou hi” ti’n.

THUPHUON 12:7

Chun, van achun kidona a um a; Mikael leh a sawlchakte chun dragon chuh a do uh a; chun, dragon leh a sawlchakte chun le a do thuk uh a;

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.

THUPHUON 20:12

Chuleh, mithi te, a lien a neu in, lalchutphah ma a ding le ka mu a. Tichun, Lehkhabu chuh a keu uh a; chun, lehkhabu dang, Hinna Lehkhabu chule a keu uh a; tichun, mithi te chuh, lehkhabu haw a zik lut, a thilhih dungzui zel uh a vaihawm sak in a um tau hi.

THUPHUON 3:5

A zo tacheng khutibang chun, puon vam silh sak in um un au, chun, Hinna Lehkhabu apat, a min u chuh thai mang lo hiel ding ka hi, ka Pa masang leh, a vânsâwlchâkte masang achun a min uh ka phuon ding ahi.

LUKE 10:20

Himahleh, thithate na thuu a a um ziekun kipâk kiu inla, van a na min uh zik ahih ziekin kipâk zawu in,” a ti a.

DANIEL 9:12

Chun, a thu ka chung u a a gen leh ka vaihawm teu, vai ei hawmsakte chunga a gen kha ka chung u a thil phalo nasa tak tunsak in a hih kim ta a: Jerusalem chunga kihih bang chuh vannuoi pumpi ale hih in a um ngei puoi.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

JUDA 1:9

Zie tawbang chuh, Mikael, vânsâwlchâk chungnung pên khan le a hih puoi. Mosi luong chung châng a, Diabol tawh a kiniel lai uh khan le, Diabol chuh thiemmawh chan saka, hosiet a ngam puoh a, “Lalpa’n hun gai zaw hen,” a ti zaw ahi kha.

PHILIPPI 4:3

A hi, nang le ka namkawl puokpih tak tak, ka hun chiel na hi, Chanchin Pha nasepna lama ei hah panpih numeite khah panpih ah. Klemen tawh, ka seppih dang, Hinna lehkhabu a min chuongte kha tawh.

EPHESI 1:21

Krista chun, van muna vaihawmte, thuneihna chengcheng te, hatna te, lalna chengcheng leh min chengcheng chungah, tuhun mai hilo in, hun hungtung kit ding ale, vai a hawm ngâl a.

ROME 11:26

Chun, ziehi, Israel mi chengcheng hukdama a umdan ding u chuh ahi: “Zion apat Hukdampa chuh hung pawt intin, Jakob kawm apat Pathien khawksaklohna chuh sumang ina.

EZEKIEL 13:9

Ka khut hin kilâkna diklo mu haw leh genlawkna lepchieh gen haw chuh nang intin, ka mite kikhawp khâwmna ah tel puo’n tin un, Israel inkuonte min zikna ah zikin um hiel puo’n au; khutichun Lalpa Pathien chuh ka hi tih hun hen lau.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ISAI 4:3

Khutichun, Zion a nutsieh a um nalaite leh Jerusalem a a damsung u a um dinga guotte chuh, “Mi thiengtho” tih hi’n au.

SAM LEHKHABU THE PSALMS 69:28

Amau haw chuh hinna lehkhabu apat in thaihmang in um u henla, Mi diktatte lak achun ziklut hidah u hen.

SAM LEHKHABU THE PSALMS 56:8

Nang in ka vakchâtvaihna haw hi na tiemteh sek a: Ka mitthitui haw hi na savun tuiûm a chun thun in, Na lehkhabu ah a chuong chiet puou a ahim?

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

ROME 11:15

Amau haw paihthak na chuh, mihingte leh Pathien kicham kitna ahih chun, amau haw lawp kitna ding chuh, thihna apat hin kitna lo chuh banga hi ding?

DANIEL 11:45

Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

EZEKIEL 34:24

Chun, kei, Lalpa hi a Pathien uh hing ka ting, ka suok David chuh a chung u a hotu hi’n a; kei, Lalpa ngêi hin ka tih ahi ngâla.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

EZEKIEL 5:9

Chun, na milim tenum haw ziek chun thil ka na hih khâk loh, hih le ka hih kit tâk loh ding chuh na chunga hih ding ka hi.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

JOEL 2:2

Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

JEREMIA 30:10

“Zieziekchun, aw ka suok Jakob, lau hiel ki’n, aw Israel mipite haw, tiza hiel kiu in, Lalpa’n a tii. Ngaiin, gamla tak apat in hun hukdawk ing ka ting, na suonlepak teu chuh a saltannau apat, Jakob ngêi chuh vaikit intin, kichawldam ta’n tin, kuoma’n sulau kit ta puo’n au.