DANIEL 11:45 - PATHIEN LEKHABU THIENGTHO (BSI)

⁴⁵ Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

DANIEL 11:45 ပူးပေါင်းရင်းမြစ်များ

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

DANIEL 8:25

A chitgukhahna ziek chun, a mi thepna lam achun lawhting zel in a. A lungthim chun amah leh amah kingaisang intin, hetsak masakna um lo in mi tampi sumangthai in a. Lengte leng kilanpih intin, himahleh khut hilo a sukbawt in um ina.

THUPHUON 20:9

Khutichun, lei chung pumpi dâp suok hielin a chieh uh a, mi thiengthote giehbuk leh, a khuo deihum tak uh chuh a ûmkimvel uh a. Himahlele, van apat in mei a hung kie a, amau haw chuh a kâng tum vek ta a.

THUPHUON 20:2

Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.

THUPHUON 13:10

Kuole, sala mat dingte chuh, sala mat in a um sek ui; kuole, chemzâma thah dinga umte chuh, chemzâm mah a thah in a um sek ui. Zie hin, mi thiengthote thuokhatna leh taksanna chuh a hung kilang dawk sek hi.

2 THESSALONIKA 2:8

Zie kilakmang tieng chu leh, Dan bawhsiepa chuh hung kiphuong intin; himahleh, Lalpa Isu’n amah chuh a kama hu’n sulum intin; amah umna vak tak chun sumangthai ina.

ZEKARIA 14:8

Zie ni chuh a hungtun tieng leh hiti hi hi’n tin, Jerusalem apat in tui hing hung luong dawk intin, a kimkhat chuh suohlam Tuipi ah lut intin, a kim khat chuh tumlam Tuipi ah luong lut ina. Nipi leh phalbi lai in le kum tungin luong zing ina.

MIKA 4:2

Tichun, nam tamtak chuh hung un tin, “Hung un la, Lalpa tângah, Jakob Pathien In achun chieh to hitiu; tichun, ama’n a lampi chanchinte chuh ei sinsak in tin, a lampi haw achun chieh hitiu,” ti’n au. Zion apat chun dân hung pawt in tin, chun, Lalpa thu chuh Jerusalem apat hung pawt ding ahi.

JOEL 2:20

Mâllam sepaihte chuh na kawm u apat chawn mang kêi ka ting; thalek gamgaw ah chiehsak ing ka. A masa lawi chu suohlam Tuipi Thi ah sawl ka ting; a nunung lawi chu tumlam Tuipi ah paih ka ting, hung uih dawk un tin, gimsie takin hung um un au. Na chunguh a thil nasatak a hih tâk ziekun amau haw chuh sumangthai ing ka.

DANIEL 11:41

Gamtiem gam ngêi chule hun do intin, sangsawm tamtak that intin, himahleh Edom leh Moab leh Ammon gam nutsieh a umte chuh suokcha’nau.

DANIEL 11:16

Himahleh, a hun do pa chun a nawp nawp un bawl untin, a masang ah kuomah ding zo puo’n a. Chun, amah chuh gamtiemna gam achun ding intin, a bawnin a thuneihna nuoi ah kawih vek in a.

DANIEL 7:26

Himahleh, vaihawmna hung um intin, a thuneihna chuh sukmang a suksiet den dingin lâkmang in um ina.

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

EZEKIEL 39:2

Hun lehngat sak ing ka ting, hun pui zel ing ka ting; mâl tawppen apat in hun puidawk ka ting. Israel tânghaw achun hun pui tung ing ka.

ISAI 14:13

Na lunggil chun la, van ah kalto ing ka ting, Pathien aksite chunglam akhun ka lalchutphah dawmsang ing ka ting kikhawpna tâng, mâl tawp pena um achun chu’ng ka ting;

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

SAM LEHKHABU THE PSALMS 48:2

A tâng thiengtho san zie kilawm tak, khawvel chengcheng kipahna chu, Zion tâng chuh ahi, Mâllam panga, Lal lopi tak khawpi chuh.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

DANIEL 9:16

Aw Lalpa, na diktatna chengcheng ziekin na lungnatna leh na lung-awihloh na chuh na khawpi Jerusalem, na tâng thiengtho apat chun kiheimang dingin ka hun ngên hi; ka gitlohnateu ziek leh ka pateu manlohna ziekin Jerusalem leh na mite hi ka kimvel u a mite chengcheng lak ah gensiet a hung hi tai.

DANIEL 9:20

Chun, keimah gitlohna leh ka mipite gitlohna thupha chawi kawm leh, a Ho-In thiengtho hun tungding kit dinga Lalpa ka Pathien kawma ngên a paucham in ka um zing a.

DANIEL 11:44

Himahleh, saklam leh mâllam apat a chanchin hungtung chun sulau intin, lungna takin do intin, mipi tamtak chuh that in a.

KISIMNA 34:5

Chuleh, Azmon apat in Aigupta gamgi tiengin kâwi intin, a tâwp na chuh tuisuohgiet hi’n a.

ISAI 10:12

Zieziekchun hiti hi hung hi’n tin, “Lalpa chun Zion tâng leh Jerusalem chunga ka nasep ding chengcheng ka sep zawh tieng, Asuria leng lunggil uong tak leh kiletsak tak chuh hun gawt ing ka,” a ti a.