DANIEL 11:36 - PATHIEN LEKHABU THIENGTHO (BSI)

³⁶ “Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

DANIEL 11:36 ပူးပေါင်းရင်းမြစ်များ

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

DANIEL 8:19

Himahleh, “Ngaiin, tunung a Pathien lungnatna hungtung ding chuh hun etsak ding ka hi. Kilâkna chun hun tawpa thil ding a gen ngâl a.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

DANIEL 11:16

Himahleh, a hun do pa chun a nawp nawp un bawl untin, a masang ah kuomah ding zo puo’n a. Chun, amah chuh gamtiemna gam achun ding intin, a bawnin a thuneihna nuoi ah kawih vek in a.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

ISAI 14:13

Na lunggil chun la, van ah kalto ing ka ting, Pathien aksite chunglam akhun ka lalchutphah dawmsang ing ka ting kikhawpna tâng, mâl tawp pena um achun chu’ng ka ting;

THUPHUON 10:7

Himahlele, vânsâwlchâk sagihte chun a pengkun uh a hun mût tieng uh leh, a sawntawlawite kawma a phuon tâk sa guolin, Pathien in a thil guon thuguk chuh hihbukim ta’n a,” ti’n, a tiem ta a.

ISAI 10:25

Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

SAM LEHKHABU THE PSALMS 136:2

Aw pathiente Pathien kawm achun kipahthu gen unla: A zahngaihna chuh kumlekhuo a um ding ahi ngâl a.

THUPHUON 17:17

Pathien thu haw chuh a tun masang sieh, amau deihlam a hihna dingun leh, thukhat kisa a, a gam u chuh vaihawm dinga sahang kawma a piek theihna dingun Pathien in a lunggil u ah utna a pie ta ngâla.

THUPHUON 17:3

Khutichun, amah chun thagau in gamthip ah ei pui a; Pathien gensietna min a dim, sahang, luchang sagih leh ki sawm nei, gamsa sandup chunga chu numei khat ka mu a.

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.

NASEPTE 4:28

Amau haw chuh, na thilhih-theihna leh, nangmah deihdan a thil um dinga na guotlawksa cheng hih dinga kigawm khawm ahiu hi.

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 5:30

“Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DANIEL 11:3

Zie tieng chu leh leng hangsan tak hung pawt kit intin, lalgam lien tak chunga vaihawm intin, a thu thu’n thilhih in a.

DANIEL 8:4

Belam chal chun a ki a tumlam leh mâllam leh simlam nawh in ka mu a, a masang achun gamsa mawngmawng ding thei a um puou hi. A thilhih theihna apat a hukdawk thei le a um diek puou a; a nawpdan dân in a tawi a; a chapo mah mah a.

DANIEL 7:8

A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

ISAI 46:10

A bul apat a tâwp tienga thil hung um dingte ka na genlawk a; tuma apat in thil hungtung dingte ka na genlawk tai! Ka thil guonggalh te chuh lawhsam ngei puo’n tin, Ka thilhih guotte le hih buting ngêi ing ka, ka ti a.

ISAI 26:20

Aw ka mite haw, hung unla, na indan sung u ah lut un, na kawtteu chuh kikhakkhum un; lungnatna hi a beih ma chengin hun chawmchah mai va kisel un.

THUCHINGTE 19:21

Mihing lungthim achun guonggalhna tamtak a um a, himahleh Lalpa deihlam mai chuh sukpitin in um in a.

SAM LEHKHABU THE PSALMS 33:10

Lalpa’n namte lemguot chuh bangmah lo a suok sak a: Mitin ngaihtuohna chuh bangmah lo a suoh sak sek hi;

JOSHUA 22:22

“Lalpa, pathiente Pathien! Lalpa, pathiente Pathien chun a he a, Israel ten le heu hen; ka maichâm siem uh hi Lalpa kiheisan guo a kiphin guotna ahim, thilhihkhelh guotna ahim a siem ka hih u chun, tuni hinle ei hâwi dah mai un.

2 THESSALONIKA 2:3

Bang lama le kuomah thep in um kiu in. Puksietna chuh a hungtun masak zet a, Dan bawhsiepa, mangthai chapa chuh a hung kiphuon macheng chun, zie nikhuo chuh tung ding ahi puoh ngâl a.

2 THESSALONIKA 2:8

Zie kilakmang tieng chu leh, Dan bawhsiepa chuh hung kiphuong intin; himahleh, Lalpa Isu’n amah chuh a kama hu’n sulum intin; amah umna vak tak chun sumangthai ina.

THUPHUON 13:1

Chun, a chieh a, tuisuohgiet sehpho achun a dinga, sahang, tuisuohgiet apat a hung pawt hi ka mu a. Zie chun ki sawm leh luchang sagih a nei a; a kihaw chung achun lallukhuk a um chiet a, a luchang haw achun, Pathien gensietna min haw le a um chiet hi.

EZEKIEL 35:13

Khutichun ka chungah na kisulien in na ki-uong a, ka chungah na thutuitam a, ka he suok kêi ahi.”

DANIEL 5:19

Letnate a kawma a piek ziek chun mitin a mite, namtin a mite, pau tina mite, chun a kihchau a, a masang achun a kithing u a. Mi, thah a nawp taphawt chuh a that a, a nawp taphawt chuh a hinghawih a, a nawp taphawtte chuh a limbawl a a nawp taphawt chuh a hihniem sek hi.

DANIEL 5:20

Himahleh, a lungthim a hung chapo a, a lungthim a hung kichunglap a, chapo takin a tawi ta a; zieziekchun a lalchutphah chuh hihniem in a um ta a, a lopina chuh lâksak a hi ta a.

DANIEL 11:37

Leng chun a suonte pathien chuh khawksak puo’n tin, numeite deih zawng haw pathien himhim khawksak nei puo’n a, pathien dang himhim khawksa puo’n tin, amah chuh mi cheng cheng sanga lienzaw a a kingaih ziekin.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

ISAI 10:23

Lalpa, sepaihte haw Lalpa chun, tawpna, tung ngêi dinga guotsa chuh, lei chung pumpi achun hun tunsak ding ahi ngâl a.

ISAI 14:14

meipi haw sanga sangzaw’n kalto ing ka ting, Chungnung pên pa bangin um ing ka, na tih siet kha tawh.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

ISAI 57:9

Chun, gimlim leh sathaute kinuh in, Molek pathien ho dingin na chieh u a, gam gamla tak ah mi na sawl u a, Sheol tieng hiel in a chieh sek a.

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

ZEKARIA 11:16

Chun, ngaitie, gamsung achun belampu kawih ing ka ting, himahleh, amah chun a mangthaite le a hawl diek puo’n tin, a note chule hawl diek puo’n a, a liemte le sudam puo’n tin, a hatlaite le vak diek puo’n a. Khutih malak in, belam thau thau chuh a sa a ne a, a kengtin teu chuh a khetsiet sak zaw ding ahi.