DANIEL 11:35 - PATHIEN LEKHABU THIENGTHO (BSI)

³⁵ Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

DANIEL 11:35 ပူးပေါင်းရင်းမြစ်များ

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

THUCHINGTE 17:3

Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

JAKOB 1:2

Ka suohpihte haw, na chunguh a patepna tin cheng a hungtun tieng chu leh, nangmau mawng chuh vangpha’n kingai un,

DANIEL 11:40

“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.

DANIEL 8:10

Tichun, van a sepaihte do thei ding khawp hiel chun a hung hât ta a, tichun aksite ngêi leh a laka khenkhatte chuh lei ah a paih tha a, a tawhden ta a.

DAN NIHNA 8:16

Na pileputeu het khâk loh manna’n a hun vaka, atawpa na hun phat lawh theihna dingu a hun sugimthei a hun patep, Lalpa na Pathien u chuh hun hengilh kha’n lau.

THUPHUON 17:17

Pathien thu haw chuh a tun masang sieh, amau deihlam a hihna dingun leh, thukhat kisa a, a gam u chuh vaihawm dinga sahang kawma a piek theihna dingun Pathien in a lunggil u ah utna a pie ta ngâla.

THUPHUON 14:15

Chun, vânsâwlchâk dang khat, Pathien Ho-In apat hin a hung pawtdawk a, meitang chunga chu pa kawm achun aw ngeih tak in, “Na kawite khah la dawk inla, ât ah; ât a phat ta ngâl a, lei buh haw khuh a kuoi zo ta khu,” a ti a.

JOHAN 20:25

Khutichun, sinsak dangte chun a kawmah, “Lalpa chuh ka mu tau!” a tiu a. Himahlele, amah chun a kawm u ah, “A khuta thik kikhetna pawn haw ka muh a, thik kikhetna ma haw a chuh ka khutzung ka thun lut a, a nak ka mai zet loh chun, gingcha puo’ng ka,” a ti a.

JOHAN 15:2

Ka kizawppih bâk gah lo ta cheng a paih sek a, a gah pha ta chuh a hih thiengtho sek hi, a gah tam zawk diek na’n.

MATTHAI 26:56

Himahlele, thiemgaute lehkha thu haw chuh a hung tun kim theihna dingin ziehaw chengcheng hi hung um ahi ta hi,” a ti a. Ziephet chun, sinsakte cheng chun amah chuh a taihsan u a, a tai mang tau a.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

DANIEL 12:4

“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

DANIEL 11:29

“Zie nung chu leh Aigupta hun do kit intin, himahleh zietum hin thil chuh zatchuom takin um in a.

DANIEL 11:27

Leng nih te chuh an ne dingin dawhkân khat ah chu khawm untin, himahleh a sunggil tak u a chuh migilo a hih gel ziekun kithem tuoh un au. A hun a tun nai loh ziekin a thil deihteu chuh mu diek puo’n au.

DANIEL 9:27

Zie leng, thilhih thei tak chun nam tam takte tawh hapta khat sunga dingin thugawlh dettak siem untin, zie hun kimkhat a beih tieng chu leh kithawihnate leh thillat te chuh hihtawp in a. Mun thiengtho ah, Thil kihdak-um, Luoksuok-um tak kawih in um intin, zie chuh a kawihpa ngêi tawpna dinga Pathien in a guotsa chuh a hungtun macheng chuh zie tak achun um zing in a,” ti’n.

DANIEL 8:19

Himahleh, “Ngaiin, tunung a Pathien lungnatna hungtung ding chuh hun etsak ding ka hi. Kilâkna chun hun tawpa thil ding a gen ngâl a.

DANIEL 8:17

Ziephet chun Gabriel chuh a hung a, ka sik ah a ding a, ka lau mah mah ta a, lei tuol ah ka puktha ta a. Amah chun ka kawmah, “Aw mihing chapa, a umzie chuh hethiem in, Kilâkna chuh tawpna hun a ding ahi ngâla,” a ti a.

2 KHANGTHUBU 32:31

Babulon gam apat a palai a gama thilmak umte dawng dinga a hung un le, Pathien in a nungchang patepna dingin amah thu thun a thah tha zaw ta ahi.

NASEPTE 13:13

Chun, Paul chuh a lawite chu tawh, Paphos khuo a kipat chun, kuong in a chieh u a, Pamphulia gama Perga khuo a tung u a; chun, Johan khan amau chuh a taihsan a, Jerusalem ah a kîkkit ta a.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

DANIEL 12:3

Chun, a chingte chuh van vak guolin vak un tin, mi tamtak diktatna lama kilehhei sak kitte chuh aksite bangin kumkhuotuong in vak tan au.”