DANIEL 11:34 - PATHIEN LEKHABU THIENGTHO (BSI)

³⁴ Kithahna a um zel lai chun Pathien mite chun panpihna neukhat muu untin, zie tawbang utchakna ziek chun mi tampi’n kamthiem thu mai in amau haw chuh hun zawm un au.

DANIEL 11:34 ပူးပေါင်းရင်းမြစ်များ

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

THUPHUON 12:13

Tichun, dragon chun, leia paihthâk a hi tih a kihet phetin, chapa neinu numei chuh a sugimthei pan ta a.

THUPHUON 2:20

Himahlele, demna ka hun nei hi, thiemgaunu kiti, Jezebel khah na thuok theih ziekun, amahnu chun, ka sawntawlawite chuh, kideihchakna thanghuoi leh, milim hona sa nekte a sinsak in, a puimang sek ngâl a.

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.

2 JOHAN 1:7

Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.

1 JOHAN 4:5

Thiemgau lêmte chuh khawvel a um ahiu a, khawvel a um bangin a pau sek uh a, khawvel in a thuu a ngaitha sek uh ahi.

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

2 TIMOTHE 4:3

Kihilhna dik a ngaih ngâp loh hun uh hungtung ding a hii, a bil uh a thak ziekin amau deihlam chietin, sinsaktu ding a kawm u ah puikhawm un tin uh,

GALATI 2:4

Mi khenkhat in pawngbawl a tan sak vang a nuom nau hi. Zie tawbang mite chuh, suohpih lêm, Krista Isu tawh I kipumkhatna zal u a, I zalennau hih entha dinga, I lak uh a a gûka hung kithawlh lutte chuh ahiu hi. Ziete chun, suok a mat ei nuom zing u a,

DANIEL 11:21

Chun, amah mun achun gam muhsit um tak, gam limbawlna a piek loh chu hung dingdawk in tin, paukam thiem in lalgam chuh chang ina.

DANIEL 11:32

A thuthun uh haihsante chuh leng in amah lama pang dingin kamthiem in zawl intin, himahleh Pathien thu zawpte vang chun amah chu do un au,