DANIEL 11:33 - PATHIEN LEKHABU THIENGTHO (BSI)

³³ Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

DANIEL 11:33 ပူးပေါင်းရင်းမြစ်များ

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

MATTHAI 24:9

“Zie tieng chu leh gawtna thuok dingin hun matsak untin; hun that un tin uh ka min ziekin nam chengcheng muhdah hi’n lau.

MALAKI 2:7

Thiempute kam chun hetna a vawp ding ahi ngâla, a kam apat in dân chuh a hawl sek dinguh ahi; amah chuh Sepaih hawnte Lalpa sawlchak ahi ngâla.

THUPHUON 17:6

Zie numei chuh mi thiengthote thisan leh, Isu min zieka thaha umte thisana kham chun ka mu a. Ka muh phet chun mak ka sa mah mah mai a.

HEBRAI 11:34

Mei thilhih theihna haw a sumit uh a, chemzâm hiem apat a suokchau a, hatlohna apat in, hât taka siem in a um u a; kidona achun gâlhât khawkheng a hung hiu a; gamdang mi, a gâlteu chuh a nawh zam u a.

DANIEL 12:10

Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

THUPHUON 6:9

Chun, Belamno chun tiemtehna ngana chuh a vak phel leh, Pathien thu a gen ziekuh leh, hetpihtu taksanum taka a pan ziekuh a thaha umte thagau haw chuh ka mu a.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

2 TIMOTHE 4:6

Kei vang chuh tuhin le lat a um ka hi ta ngâl a, ka pawtdawk phat a tung tai.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

1 KORINTH 4:9

Pathien in, kei uh sawlchakte hi, thi dinga guotte bang mai in, lei leh van a vânsâwlchâkte leh mi chengcheng in etnawp a a et huoi huoi ding u a, a nunung pen a ei kawih hi’n ka ngaihtuoh sek hi.

NASEPTE 14:21

Chun, Paul leh Barnabas chun, Derbe khuo a chun Chanchin Pha a gen u a, sinsak tamtak a siem beh tau a. Zie zawh chun. Lustra khuo te, Ikonium khuo te leh Pisdia gama Antiokei khuo lam achun a kîkkit tau a.

NASEPTE 11:26

Chun, a muh phet chun, Antiokei khuo ah a hun pui ta a, tichun, kum khat zet chuh Sapchuomte kikhawpna achun a tel sek u a, mi tamtak le a sinsak sek u a. Sinsakte chuh, “Kristien,” a kitih masak pên u chuh Antiokei khuo ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 20:23

Amah chun a kawm u ah, “Ka khawn dâwn ding chuh dâwn thei un lau, himahleh, ka changlam leh ka veilam a chut ding thu chuh kei piek ding ahi puoh a, ka pa guot sakte ding hi zaw’n a,” a ti a.

MATTHAI 13:11

Isu’n kawm u ah, “Van gam thuguk chuh nang haw het vang phal a hi a, himahleh, amau haw het vang chuh phal ahi puoi.

MATTHAI 10:21

“Mi’n a suohpihpa thah dingin matsak intin, pa’n le a cha matsak in tin; chate’n le a nu leh a pa do un tin, thah le thah sak un au.