DANIEL 11:25 - PATHIEN LEKHABU THIENGTHO (BSI)

²⁵ “Hangsan takin sepaihhawn nasa tak dindawk intin, amah lehnawh kit dinga sepaih nasa tak leh thilhih thei tak a na guonggalh, Aigupta leng chuh hun do in a. Himahleh Aigupta leng chuh thep in um intin, lawhting puo’n a.

DANIEL 11:25 ပူးပေါင်းရင်းမြစ်များ

DANIEL 11:2

Chun, tuhin thudik chuh hun etsak ing ka. Ngaitie, Persia gam achun leng thum hung ding dawk nalai un tin, a lina chuh a dang cheng sang khan hausa zaw mah mah in tin, a hauhsakna zieka a hung hât tieng chu leh, Grik lalgam do dingin mi cheng cheng chawktho ina.

THUCHINGTE 28:25

Lungthima duh-âm mi chun kinakna a chawkdawk a; Lalpa chunga ginna ngate vang chuh suk hauhsak in um in au.

THUCHINGTE 15:18

Mi lungchawm chun kinakna a tun sak a, himahleh, mi lungnieng chun vang kinakna a sudai sek hi.

DANIEL 11:10

“Himahleh, a chapate chuh kido dingin nasa takin hung kiguo thak kit untin, sepaihhawn tampi sam khawm un au. A lak u a khat chun tui kinawk guolin a melmateu kulh chuh nawh in a.

DANIEL 11:5

“Tichun, simlam leng chuh hung hât intin, a sepaih liente laka khat vang chuh amah sangin hatzaw’n tin, lalgam lienzaw ah vaihawm in a.

DANIEL 11:40

“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.