DANIEL 11:15 - PATHIEN LEKHABU THIENGTHO (BSI)

¹⁵ Khutichun mâllam leng chun khawpi kulh neite chu hun do intin la vek in a. Aigupta sepaihte chun do zawm ta puou un tin, a lak u a hatpente chun le do zo diek puo’n au.

DANIEL 11:15 ပူးပေါင်းရင်းမြစ်များ

EZEKIEL 17:17

Mi tamtak thah theihna dinga Babulon te’n lei a seh pawng u a, kawkhuk a laih u a, a kido tieng u leh Pharao sepaih hawn leh mipi tamtak te chun le amah chuh panpih thei puo’n au.

JEREMIA 6:6

Sepaihte Lalpa chun hiti hin a tii, “Thing haw chuh phuk unla, Jerusalem dona dingin lei sep sang un. Zie khawpi hi ahi gawt ngêi ngêi ding chuh; a sung achun thil dang hilo kipawngbawlna chauh a um ngâla.

EZEKIEL 4:2

A kimvel achun kulh siem inla, muol pawng siem khum inla, sepaih giehbuk haw siem inla, kulh tah chimna haw khawpi kimvelin siem khum in.

DANIEL 11:6

Chun, kumte chuh a tâwp nung leh Aigupta leng chun Suria lengte tawh kizawpna siem untin, a chanute chuh a zi dingun neih sak in a. Himahleh a kizawpnau chun sawt daih puo’n tin, amahnu ngêi leh a pasal tawh, a chateu leh a suokteu, amah tawh kitawn khawm cheng chuh thah in um vek un au.

DANIEL 8:7

Chun, Belam chal a vak sit chuh ka mu a. A lungna ta mah mah a, a ki nih te chuh a sukbawt sak ta a. Amah dal zo ding chun belam chun hatna a nei puoh a. Tichun, leituol ah a talhpai a, a chilgawp a, kuomah amah hukdawk thei ding a um puoi.

JEREMIA 52:4

Chun, a vaihawm kum kuona achun hiti hi a hung hi a, tha sawm na, zie tha ni sawm ni chun Babulon leng Nebuknezar chuh a sepaihte chengcheng tawh Jerusalem do dingin a hung u a; panmun a khawh khum u a, a kimvel ah kulh a siem tau a.

JEREMIA 33:4

Israel Pathien Lalpa chun zie khawpi a In te leh Juda leng In te, chemzâm a kidona dinga dawhkhâng siemna dinga kiphie haw chung châng thu achun hiti hin a tii.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

DANIEL 11:14

Chun, ziehaw nung chu leh mi tamtak Aigupta leng do dingin hung pawtdawk untin: na namte laka mi pawngbawlte chu le kilâkna sukbukimna dingin hung kipan untin, himahleh, guollah un au.