Chun, ngaitie, Israel leng Ahab kawmah thiemgau khat a hung a, a kawmah, “Lalpa’n hiti hin a tii: ‘Zie mipi tamtak haw hi na mu? ngaitie, tuni hin na khut a hun pie ding ka hi. Chun, Kei hi Lalpa chu ka hi tih he’n la,’ a tii,” a ti a.
Chun, Pathien mi khat a hung a, Israel leng kawm achun, “Lalpa’n hiti hin a tii: ‘Suria te hin Lalpa chu tâng pathien ahi a, phaicham pathien ahi puoi a tiu hi; zieziekchun zie mipi tamtak haw hih na khut ah hun pie ding ka hi, tichun kei hi Lalpa chu ka hi tih he’n lau,’ a tii” ti’n.
“Chun, simlam leng tawpna ding hun chuh a hungtun ding kuon cha leh, Aigupta leng chun hun do intin, Suria leng chun a thilhih theihna cheng tawh, kangtalaite, sakawlte, leh kuong tampi tawh chinpei bang mai in amah chuh ana do kit un tin, gam haw chuh lut un tin, buluh zo untin, hawh pai ina.
Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.
Chun, Belam chal a vak sit chuh ka mu a. A lungna ta mah mah a, a ki nih te chuh a sukbawt sak ta a. Amah dal zo ding chun belam chun hatna a nei puoh a. Tichun, leituol ah a talhpai a, a chilgawp a, kuomah amah hukdawk thei ding a um puoi.