DANIEL 10:8 - PATHIEN LEKHABU THIENGTHO (BSI)

⁸ Khutichun keimah mai ka um ta a, kilâkna mak tak chuh ka en zing ta a, tha himhim ka nei ta puoh a, ka pienpih mel latdan chuh a kitheng ta a, kuoma’n ei he thei ta puou hi.

DANIEL 10:8 ပူးပေါင်းရင်းမြစ်များ

THILSIEMBUL 32:31

Chun, Peniel a khel phet chun ni a hung suok a, amah chuh a hun khawh a, a malpi ziek chun a kibai ta a.

PAWTDAWKNA 3:3

Chun, Mosi chun, va naih ing ka ting, zie hambuk khu bangti dana katum lo ahim? Zie thilmak tak hi va en dîng ka, a ti a.

DANIEL 10:16

Chun, ngaitie, mi khat, mihing chapate mel tawbang pu hin ka mûk ahun khawih a; tichun, ka kam ka ka ta a, ka ma a hung ding pa kawm achun, “Hepu, Kilâkna ka muh te ziek chun ka lungkhamna te chun ei delhphah a, tha himhim ka nei puoh a.

DANIEL 10:17

Suok a pute masanga ding bang mai in ka um ta a, Bangti’n ahim ka hun hopih theih ding? Ka tha hatna a bei ta a, hatsam in ka um ta ngâl a,” ka ti a.

DANIEL 7:28

Ziehi ka thilmuh chanchin tawpna chuh ahi. Kei, Daniel hi ka thilmuhte chun ei sulau mah mah a, ka mel a dângtha ta a, himahleh, ka lungthim in thu chuh ka vawp zing hi.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

DANIEL 8:7

Chun, Belam chal a vak sit chuh ka mu a. A lungna ta mah mah a, a ki nih te chuh a sukbawt sak ta a. Amah dal zo ding chun belam chun hatna a nei puoh a. Tichun, leituol ah a talhpai a, a chilgawp a, kuomah amah hukdawk thei ding a um puoi.

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

MATTHAI 17:6

Chun, sinsakte chun zie chuh a het un, maia tuol si’n a khupbawk u a, a lau mah mah tau a.

MARK 9:6

A lauh mah mah ziekun gen ding pên le a he puoh ngâl u a.

JOHAN 16:32

A hun tung ding ahii, a tung le ahi zieng tai, zie tieng chu leh nangmau In lam chietah dalh vek un na tin uh, keimah chauh in nei thahtha’n lau; himahlele, Pa ka kawma a um ziekin, keimah chauh in ka um diek puoi.

2 KORINTH 12:7

Chun, thilmak ka muh haw zieka chuh, ka kisuon takluot lohna ding leh zie chuh Setan sawlchak in matchâk a ei mat a, ka chapo loh na dingin ka taksa ahin ling ei kipie ahi.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.