DANIEL 10:19 - PATHIEN LEKHABU THIENGTHO (BSI)

¹⁹ Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.

DANIEL 10:19 ပူးပေါင်းရင်းမြစ်များ

SAM LEHKHABU THE PSALMS 138:3

Ka hun uou ni’n nang in nei dâwng a, Ka hinna hihhat in nei tîlkhoh a.

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

DANIEL 10:18

Tichun, mihing bang taka kilang chun khatvei ei hun tu kit a, ziephet chun ka hung hât deuh ta a.

DANIEL 9:23

Na nget pat tung khan thupiek a pawtdawk ta a, A hun hilh dinga hung ka hi; deihum tak na hi ngâl a; zieziekchun, thil chuh ngaihtuoh in la, kilâkna chuh hethiem in.

HAGGAI 2:4

Aw Jerubabel, tuhin chuh hangsan takin um in, Lalpa’n a tii. Aw Joshua, nang Jehozadak chapa, thiempu lienpen, nangle hattak in um in. Chun, nang haw zie gama mi cheng cheng te haw, hattak in um unla, sem un, na kawm u ah ka um ngâla, tih hi Sepaihte Lalpa kamsuok ahi.

ZEKARIA 8:13

Juda leh Israel mite haw! Tumasang khan, gamdang mite chun, ‘Juda leh Israel te chunga sietna tung kha, na chungah tung he’n’ ti’n hansie a kibuokkhum tuoh sek u a. Himahleh, tuhin hun hukdam ing ka ting, tichun, zie gamdang mite chun, ‘Juda leh Israel mite chunga vangsakna tung bang khan na chungah tung he’n,’ kiti tuoh ta’n au. Zieziekchun, hangsan takin um inla, lau hiel ki’n,” ti’n.

ZEKARIA 8:9

Chun, Lalpa chun hiti hin a tii: “Temple ngêi chuh sak ahih theih na dinga Lalpa In suongphum phum ahih ni a thiemgaute kama thu pawt, nanguh tu a ngaithate hin na khut hawu suhat un.

JOHAN 11:3

Tichun, a suohpih numeihaw chun Isu kawmah, “Lalpa, ngaitie, na hehpih khah a dam puoi,” ti’n mi a sawl u a.

JOHAN 11:36

Mipite chun, “En tiem u, Lazarus hi a hehpih na zen e!” a tiu a.

JOHAN 11:5

Isu’n, Martha te, a suohpihnute leh Lazarus chuh a hehpih a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

JOHAN 19:26

Isu’n a nu leh, sinsak a hehpih kha a kienga ding a mu a, a nu kawmah, “Numei, entie, na chapa khah!” a ti a.

JOHAN 21:20

Chun, Peter chuh a kihei a, Isu’n a sinsak a hehpih, nitâk an nek laia Isu âng zawna hung daphei pa, “A matsak ding pa chuh kuo pên ahim?” tipa khan a hun zuih a mu a.

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

2 KORINTH 12:9

Himahlele, amah chun ka kawmah, “Ka lungsietna hi nang dingin a buting ahi, ka thilhih theihna hi na zawnkhalna ahin a puo sukbukim a a um sek,” a ti a. Khutichun, Krista thilhih theihna chuh ka chunga a um theihna’n, kipâk mah mah kawmin ka zawnkhalna haw hi suong zaw tang ka.

EPHESI 6:10

A chaihna kêi in, Lalpa leh a thahatna thagui a chun, thilhih theihna nei in a na um un.

2 TIMOTHE 2:1

Khutichun, nang ka cha, Krista Isu tawh kipumkhatna zâla hehpihna ahin, thilhih theihna nei in um ta’n.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

VAIHAWMTE 6:23

Chun, Lalpa’n a kawmah “Thamuong takin um inla, lau ki’n, thi puo’n la,” a ti a.