DANIEL 10:16 - PATHIEN LEKHABU THIENGTHO (BSI)

¹⁶ Chun, ngaitie, mi khat, mihing chapate mel tawbang pu hin ka mûk ahun khawih a; tichun, ka kam ka ka ta a, ka ma a hung ding pa kawm achun, “Hepu, Kilâkna ka muh te ziek chun ka lungkhamna te chun ei delhphah a, tha himhim ka nei puoh a.

DANIEL 10:16 ပူးပေါင်းရင်းမြစ်များ

PAWTDAWKNA 4:10

Himahlele Mosi chun, Lalpa kawmah, “Aw Lalpa, na suok kei hih tuma lam leh nei hopih nung hin le pau mat thiem ka hi kha puoh a; kamthiem lo leh dang-âwk tak ka hi ngâl a,” a ti a.

PAWTDAWKNA 4:13

Himahleh Mosi chun, “Hilo e, Lalpa, mi dang sawl zaw dingin ka hun ngên hi,” a ti a.

THUGENPA 1:18

Pilna a tam phawt leh lungkhamna a tam ngâl a; chuleh, kuole a hetna pung chuh a lungkhamna le a pung hi.

ISAI 6:7

Chun, Seraf chun zie mei-âm chun ka mûk a hun dep a, ka kawmah “Ngaitie, zie hin na mûk a sukha tai, tichun na manlohna lâkmang ahi ta a, na gitlohna le ngaihdam ahi tai,” a hun ti a.

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.

EZEKIEL 1:26

Chun, a lu chung u hun khuh khum khepkhup chunglam achun lalchutphah tawbang, sapphire suong tawbanga kilang hi a um a: chun, lalchutphah tawbang chung achun mihing tawbanga kilang hi a um a.

EZEKIEL 3:27

Ahihziekin, na kawma thu ka gen tieng leh na kam hun kâk sak ing ka ting, a kawm u achun, ‘Ziehi Lalpa Pathien gen chuh ahi’ na tih ding ahi. A ngaitha nuom in ngaitha hen la, a ngaitha nuom lo in ngaitha dah hen, helchîng inkuon ahi ngâl u a, a tii,” ti a na gen ding ahi.

EZEKIEL 33:22

Chun, a suokchapa hung ma nitâk lam masa chun Lalpa chun ka chungah a khut a nga a, zingkal a ka kawma a hung phet chun ei na pau theih sak mana, khutichun ka pau thei ta a, pau theilo in ka um ta puoh a.

DANIEL 12:8

A thugen chuh zak chuh ka za na a, himahleh a ngaihna vang ka he puoi. Khutichun ka vak dawng ta a, “Aw ka Lalpa, zie thil tawpna chuh bangti ahi die?” ka ti a.

DANIEL 4:19

Tichun, amin Daniel, Belteshazar le kiti sek pa chuh chawmkhat tak chuh a lau mah mah a, bangmah a gen thei ta puoh a. Ziephet chun leng chun a kawmah, “Belteshazar, mang ahim, a umzie ahim chun hun sulau kihen,” a ti a. Belteshazar chun a kawmah, “Ka lalpa, mang chuh a hun mudahte chunga tung ding hi hen la, a hilhchetna chu le na melmate chunga ding hi hen.

DANIEL 7:15

Kei Daniel hi ka sung ahin ka lungthim a lungkham a, Kilâkna ka muh te chun ei sulau a, nasa takin ei chawkbuoi ta a.

DANIEL 7:28

Ziehi ka thilmuh chanchin tawpna chuh ahi. Kei, Daniel hi ka thilmuhte chun ei sulau mah mah a, ka mel a dângtha ta a, himahleh, ka lungthim in thu chuh ka vawp zing hi.

DANIEL 8:15

Chun, hiti hi ahi a, kei Daniel ngêi in kilâkna chuh ka muh in, a umzie het ka guo a, ngaitie, ka masang ah mihing tawbanga kilang hi a hung dinga.

DANIEL 8:17

Ziephet chun Gabriel chuh a hung a, ka sik ah a ding a, ka lau mah mah ta a, lei tuol ah ka puktha ta a. Amah chun ka kawmah, “Aw mihing chapa, a umzie chuh hethiem in, Kilâkna chuh tawpna hun a ding ahi ngâla,” a ti a.

DANIEL 8:18

Chun, ei hopih lai chun tuol a bawkkhup in khawhelo in ka na um a, mahleh, ei hun khawih a, ei dinsak a.

DANIEL 8:27

Tichun, ka chau a, ni bang zah ahim chu ka dam puoh a. Zie apat chun ka hung halhdawk kit a, leng na chuh ka sem kit ta a; himahlele, kilâknate chuh mak ka sa mah mah zieng a, mahleh, kuoma’n a hethiem puou hi.

DANIEL 9:21

Khutia ka paucham lai tak chun, Gabriel, kilâkna masa a ka muh ngêi khan, nitâk lam kithawih hun lai vel tak chun hât taka leng in ei hun zuon a.

LUKE 1:64

Chun, phulo-halo in a kam leh a lei chuh a hung kiphel a, Pathien pakcha’n a hung pau dawk pai zieng a.

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

JOHAN 20:28

Thoma’n a kawmah, “Ka Lalpa leh ka Pathien na hi,” ti’n a dâwng a.

JOSHUA 5:14

Chun, amah chun, “Hilo e, Lalpa sepaihte lawiupa a hung ka hi zawi,” a ti a. Tichun Joshua chuh lei ah a khupbawk a, chibai a bûka, a kawmah, “Ka Lalpa’n a suok kawm ahin bang ahim gen ding a neih chuh?” a ti a.

THUPHUON 1:13

Thaumei kawihna lak achun, Mihiem Chapa tawbang, kêngpêk phiet a puon silh, a awma sana kâwnggak a kigak le ka mu a.

VAIHAWMTE 13:8

Khutichun Manoah chun Lalpa kawmah a ngên a, “Aw Lalpa, lungsiet takin Pathien mi na hun sawl khah ka kawmah hungkit henla, naupang hung pieng ding chuh bang ka lawh ding um tih ei hung hilh hen,” a ti a.

VAIHAWMTE 6:13

Chun, Gideon chun a kawmah, “Aw hepu, ka kawm u a Lalpa a um chun bangti dana zie bangpi hi ka chung u a hungtung ahim? a ti a. Ka pileputeu in, Lalpa’n Aigupta gam apat nei puidawk a, thilmak taktak a hih sek hi ti a ei hilh u haw kha bangti ahi ta’m? Tuhin chuh Lalpa’n ei kinungheisan a, Midian te khut ah ei pie ta hi,” a ti a.

VAIHAWMTE 6:15

Chun, amah chun a kawmah, “Aw Lalpa, bangti’n ahim Israel chate hi ka va hukdawk theih maizen ding? ngaitie, Manasseh suon a nam gimthei pên ka hi ngâl a,” a ti a.