DANIEL 10:14 - PATHIEN LEKHABU THIENGTHO (BSI)

¹⁴ Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

DANIEL 10:14 ပူးပေါင်းရင်းမြစ်များ

DANIEL 8:26

Tichun, kilâkna thu na kawma kigen zosa, nitâk lam leh zingkal lama kithawihna haw kha hung dik vek ta’n a. Himahlele kilâkna thu haw chu îm chakkêi ah, ni tamtak nunga hungtung kim ding a hi ngâl a,” a ti a.

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

DANIEL 12:9

Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.

DANIEL 12:4

“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

MIKA 4:1

Himahlele, ni nunung haw achun hiti hi hi’n tin; Lalpa In umna tâng chuh tâng lien chung haw achun sukdet in um intin, tâng neute chung haw achun le chawihsân in um ina: zie taka chun namtin chengte chuh chieh lut hut hut un au.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

DAN NIHNA 4:30

Gimtheihna hun thuok u a zie thil chengcheng chuh na chungu a a hung tun tieng leh, a tâwp a tâwp leh Lalpa na Pathien lam uh hun nga kitin na tin un, a thu chuh hun pawm ta’n lau;

THILSIEMBUL 49:1

Chun, Jakob in a chapate chuh a sama, hiti hin a gen a, “Tunung a na chung u a thil hungtung ding chuh ka hun hilh theihna dingin hung kikhawm un:

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

2 TIMOTHE 3:1

Chun, ziehi heu in, ni nunung lam leh hun haksa taktak bang hung um ina.

DANIEL 10:1

Persia leng Kura lal kum thumna achun Daniel, a min Belteshazar vawh a umpa kawm achun thil a hung kilang a. Zie thil chuh a dik ngêi ahi a, zie chuh kidona lopi tak ahi; tichun, thil chuh a hethiem a, kilâkna hetthiemna a nei hi.

DANIEL 9:22

Chun, hetthiemna ei neih saka, ei hopih a, ka kawmah, “Aw Daniel, hetthiemna ching tak hun neih sak dinga hung pawtdawk ka hi.

DAN NIHNA 31:21

Chun, hiti hi hung hi’n tin, tuohsie leh haksatna tamtak a chungu a ahung tun tieng leh zie la hi amau hetdawk saka pang hung hi’n tin, a suonteu kam apat hetngilh theih hi puo’n a; tu a ka kihâksiel na gama ka puih lut ma him hin le a lungput dân uh chuh ka hetsa mawng ahi ngâla,” a ti a.

DAN NIHNA 31:29

Ka thih nung leh nasa takin kihihsieu in na tin, ka thupiek lampi apat hi petmang ding na hiu hi tih ka he ngâla; chun, tunung lam vangvang leh na chung u ah thil phalo hung tung ina; nangmau thilhih ngeia amah chuh châwk lungna a Lalpa mitmuh a thil phalo hun hih ding na hih ziekun,” ti’n, thu a pie a.

EZEKIEL 12:27

“Mihing chapa, ngaitie, Israel inkuon chun, ‘Kilâkna a muh chuh ni tamtak nunga ding ahi a, chun, a genlawkna haw le tunung gamla taka ding ahi,’ a tiu a.

DANIEL 8:16

Ziephet chun, Ulai luipi chunga hin, mihing aw khat hin, “Gabriel, kilâkna umzie chuh a kawmah genchet sak in,” ti a vak gen hi ka za a.

KISIMNA 24:14

Tichun, Balaam chun Balak kawmah, “Tuhin, ka mite kawma vaikit ding ka hi ta a, ka chieh masang in, Israel mite hin tunung a na mite chung a ahih dinguh hun hilh malam ing ka,” a ti a.

EZEKIEL 38:16

Meipi’n gam a khuh mepmup bang hiel hin ka mi Israel te chungah hung in na tin; hiti hi hung hi’n tin, ni nunung haw achun ka gam do dingin hun pui ing ka ting, namte chun ei hen au, Aw Gog, a mitmuh u a nangmah a hih thientho a ka um tieng chu leh.