DANIEL 10:13 - PATHIEN LEKHABU THIENGTHO (BSI)

¹³ Persia lalgam a lal chun ni sawmnih leh ni khat ei nang a.Ziephet chun, kei chauh a Persia gama nutsieh a um ka hih ziekin vânsâwlchâkte laka lawiupa khat, Mikael chuh ei panpih dingin a hung ta a. tichun, zie tak achun Persia lalgam a lal chuh tawh ka um zing ta a.

DANIEL 10:13 ပူးပေါင်းရင်းမြစ်များ

EZRA 4:24

Khutichun, Jerusalem a Pathien in a sak u chuh a chawlhsak tau a; Persia leng Daria vaihawm kum nih na tiengin nasep chuh a châwl tai.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.

KOLOSSA 2:10

Chun, amah achun hinna bukim chuh piek in na um tau hi. Amah chuh thagau lam vaihawm leh thuneihna sangpen a um a hi ngâl a.

1 THESSALONIKA 2:18

Na kawm u a hungkit nuom ka hiu hi. Kei Paul ngêi hinle nihvei tak hung ka na guo ta a, himahlele, Setan in ei na dal sek hi.

1 PETER 3:22

Amah chuh van a kalto in, vânsâwlchâkte chunga leh, van thuneihnate leh, thilhih theihnate chunga vaihawm in, Pathien changlam akhun a chu ta a.

JUDA 1:9

Zie tawbang chuh, Mikael, vânsâwlchâk chungnung pên khan le a hih puoi. Mosi luong chung châng a, Diabol tawh a kiniel lai uh khan le, Diabol chuh thiemmawh chan saka, hosiet a ngam puoh a, “Lalpa’n hun gai zaw hen,” a ti zaw ahi kha.

THUPHUON 12:7

Chun, van achun kidona a um a; Mikael leh a sawlchakte chun dragon chuh a do uh a; chun, dragon leh a sawlchakte chun le a do thuk uh a;