DANIEL 10:12 - PATHIEN LEKHABU THIENGTHO (BSI)

¹² Tichun, ka kawmah, “Daniel, lau hiel ki’n, Pathien masanga kingainiem ding leh hethiem dinga na lunggil na piek tung ni apat khan na pauchamna zak ahi tai. Na pauchamna dawna a umna zieka chuh hung ka hi.

DANIEL 10:12 ပူးပေါင်းရင်းမြစ်များ

SAM LEHKHABU THE PSALMS 69:10

Anngawla ka hinna ka kawihniem leh, Zie chuh ei gensietna a hung hi a.

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

ISAI 58:9

Sukgimtheihna te, khutchal a kikawk a, pau phalote hi na lak u apat na paihmang u chun; na paucham tieng u leh Lalpa’n hun dâwng in tin; panpih ngên a na kiko tieng leh, Zie hin ka um hi” ti’n a.

ISAI 65:24

Chun, hiti hi hi’n tin, amau chun ei sap masang un dâwng ing ka ting; thu a gen zing lai un ngaitha ding ka hi.

DANIEL 10:11

Chun, Vânsâwlchâk chun ka kawmah, “Aw Daniel, Pathien in a hun lungsiet hi. Khutichun ding dawk inla, ka thugen ding hi hawih takin ngaitha’n. Na kawma sawl a um ka hi,” ti’n. Zie thu a hun gen phet chun, kithing zing pum chun ka ding dawk ta a.

DANIEL 10:19

Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.

THIEMPUDANTE 16:29

Chun, zie hi na kumkhuo dân dinguh hi’n tin; tha sagihna ni sawm ni chun na kisukthien dinguh ahi a, châwl na theih himhim na nasep loh dinguh ahi. A gamsung mi hi henla, gamdang mi na lak u a cheng hilele a nit chiet dinguh ahi.

THIEMPUDANTE 16:31

Zie ni chuh nang u a ding a chawlhni thiengtho hi’n tin, na hinnau na sukgim dinguh, hun hung tung zel ding ale na zuih ding uh ahi.

KISIMNA 29:7

Chun, tha sagihna, ni sawm ni chun, kikhawpna thiengtho na neih dinguh ahi a, zie sung hin na le nasep loh dinguh ahi.

MATTHAI 28:10

Chun, Isu’n a kawm u ah, “Lau kiu in, chieh tau in la, Galili gama chieh dingin ka suohpihte va hilh un, zie tak achun, ei mu ding na hiu,” a ti a.

MATTHAI 28:5

Chun, vânsâwlchâk chun numeite chuh a hopih a, a kawm u ah, “Nangun chuh lau kiu in! Isu a khetdên u kha hawl na hiu hi tih ka hêi!

MARK 16:6

Amah chun a kawm u ah, “Lau kiu, Nazareth Isu, a khetdên u kha hawl na hiu a; a tho kit tai; zie hin a um ta puoi. En mah tiem u, a sielna mun u hih.

LUKE 1:13

Himahlele, vânsâwlchâk chun a kawmah, “Zakaria, lau ki’n, Pathien in na pauchamna khah a he a puo, na zi Elizabet chun chapa hun hinsak intin, a min dingin Johan na sak ding ahi.

LUKE 1:30

Vânsâwlchâk chun a kawmah, “Mari, lau ki’n, Pathien deihchuom na hi.

LUKE 2:10

Himahleh, vânsâwlchâk chun a kawm u ah, “Lau kiu inla, ngaiun, mitin a dinga Chanchin Pha kipah-um mah mah ka hun puoksak na hiu hi!

LUKE 24:38

Himahleh, amah chun a kawm u ah, “Bang zieka lau na hiu hi? Bang zieka na lungthim u a ginlahna hung pawt a?

NASEPTE 27:24

Ka kawmah, ‘Paul, lau kih, Kaisar masanga ding ding na hi; chun, ngai ah, kuong a na hun kitawnpih chengcheng te hile, Pathien in a hun piek ahi,’ ei tih ahi.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.