DANIEL 1:20 - PATHIEN LEKHABU THIENGTHO (BSI)

²⁰ Chun, leng in thil chenga chitna leh hetthiemna thu tin chengte a vak dawt chun, a gamsung pumpi a mitvaidawi thiem leh phunsân-thiemte cheng sang chun a zie mi lite hi a leh sawm in a thiem zawu hi tih a mudawk ta a.

DANIEL 1:20 ပူးပေါင်းရင်းမြစ်များ

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

ISAI 19:3

Tichun, Aigupta te lemguot chuh susie’ng ka ting, a lunggilteu chuh hih buoi ing ka. Tichun, milimte leh, mitvaidawi thiemte leh thitha phunsân thiem zawlte leh dawithiemte chuh dawng un au.

JOB LEHKHABU THE BOOK OF JOB 19:3

Sawm vei hiel nei demsie ta a, Phalo taka ka chunga na hih hi na zakcha puo maw?

NEHEMIA 4:12

Chun, hiti hi ahi a, a kieng u a Juda chêngte a hung lai u chun, “Khawilam ah kihei leu chin hun do ding ka hiu” a tiu hi, ti’n sawm vei hiel ei tiu a;

KISIMNA 14:22

Zie mipite lak ahin ka lopina leh Aigupta gama melchikna haw mu ngâla ei ginchak loh u a sawm vei hiel ei patep a, ka thu awilote lak ahin,

PAWTDAWKNA 8:7

Himahleh, mitvaidawi thiem haw chun le a dawi un khutibang chun a hun hih u a, Aigupta gam achun ukeng haw chuh a hun pawtsak u a.

PAWTDAWKNA 7:22

Chun, Aigupta gama mitvaidawi thiem haw chun le a dawi un zie tawbang mah chun a hih u a, chun, Lalpa’n ana gensa bangin Pharaoh lunggil chuh sukkhauh in a um a, tichun, a thuu chuh a ngaitha nuom ta puoh a.

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

THILSIEMBUL 31:7

Himahlele, na pau chun ei thêm a, ka lawh hi sawmvei hiel ei suklamdang sak ta a; himahlele, Pathien in ka chunga thil phalo a bawl dinga phal puoh a.

DANIEL 5:17

Chun, Daniel chun a dâwng a, “Na thilpiek chuh nanga ding hi hen la, na kipahman chuh mi dangte kawma piek hi zaw hen; himahlele lengpa, lehkhazik chuh hun sim sak ing ka ting, a umzie chu le hun hetsak ing ka.

DANIEL 2:21

Hunte leh hunbite a hih lamdang a; lengte a chawnmanga, lengte a tungding a: Miching kawmah chitna leh hetthiemna a pie a.

DANIEL 2:13

Khutichun thupiek chuh a suohdawk ta a, mipilte chuh suklup ding ahi tau a, tichun Daniel leh a guolte chule thah khawm ding ahi tau hi.

SAM LEHKHABU THE PSALMS 119:99

Ei sinsak haw chengcheng sangin chitna ka nei tam zaw a; Na thu hetsakhaw hi ka ngaihtuoh a hih sek ziek in.

EZEKIEL 28:3

Daniel sangin na pil zaw a, na kawmah thuguk himhim a um thei puoh a,

DANIEL 1:17

Tichun zie tanglak lite hi Pathien in thiemna leh chitna chengah hetna leh bilpilna a pie a, zie ban achun Daniel chuh kilâkna leh manghaw hilhchet thiemna a piek behlap a.