DANIEL 1:2 - PATHIEN LEKHABU THIENGTHO (BSI)

² Chun, Lalpa chun Juda leng Jehoiakim chuh a khut ah a pie ta a. Pathien In a ûmlebel khenkhatte chuh a la a, tichun, amah chun Shinar gama a pathien in achun a tun ta a.

DANIEL 1:2 ပူးပေါင်းရင်းမြစ်များ

2 KHANGTHUBU 36:7

Tichun, Nebuknezar chun Ho-In a umlebelte le Babulon ah a puoh a, a pathien In ah a kawih ta a.

ZEKARIA 5:11

Chun, amah chun ka kawmah, “Shinar gama In sa dingin, In chuh zawh a hih tieng leh zie tak achun amah mun ngêi ah kawih un au,” a ti a.

VAIHAWMTE 4:2

Tichun, Lalpa’n amau chuh Hazor a vaihawm, Kanaan lengpa Jabin khut ah a pie dawk ta a; a sepaih hotu chuh Sisera ahi a, Jentel gam Haroseth muna cheng ahi.

VAIHAWMTE 3:8

Khutichun, Lalpa chuh Israel te chung achun a lungna ta a, tichun, Mesopotamia gama leng Kushan-rishathaim khut ah a pie ta a: tichun, Israel chate chuh Kushan-rishathaim nuoi achun kum giet a um tau a.

VAIHAWMTE 2:14

Khutichun, Lalpa chuh Israel chate chung achun a lungna ta a, a melmateu khut achun a pie ta a; tichun a kimvel u a a melmateu khut apat chun a kivêng zo ta puou hi.

DAN NIHNA 32:30

Bangti’n e mi khatin sang khat a delh a, Mi nih in sing a taihsiet sak dinguh, A Suongpiu in a nutsieh a, Lalpa’n a piekdawk ahih loh ngâl chun?

THILSIEMBUL 11:2

Chun, hiti hi ahi a, suohlam zuona a kichawn zel lai u chun Shinar gam ah phaicham khat a muu a; zie tak achun a cheng tau a.

THILSIEMBUL 10:10

A lalgam kipatna chuh Shinar gama Babel khuote, Erech Akad leh Kalneh ahiu hi.

HABAKKUK 1:16

A lenteu chun thilpha pie a ngaiin, kithawihnate a lân u a, ho le a ho hiel tau ahi!

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

JEREMIA 51:44

Babulon a Bel chuh gawt ing ka ting, a valh lut sa chuh a kam apat in ladawk ing ka; namte chuh amah kieng ah luong khawm kit ta puo’n au, ahi Babulon kulhpi chuh chim ina.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

EZRA 1:7

Leng Kura’n Lalpa In a ûmlebel haw Nebuknezar in Jerusalem apat a a puok dawk, a pathien In a a kawih chengcheng chuh a ladawk a.

1 SAMUEL 5:2

Chun, Philistia te chun Pathien bawm chuh a lau a, Dagon ho-in ah a la lut uh a, Dagon kieng achun a kawih tau a.

ISAI 42:24

Kuo a Jakob te galhing mata mat dinga pie a, Israel te gucha kawma pie chuh? A chungah gilo takin I hih sek uh a Lalpa ngêi chuh ahi ngâl a; Amah deih bangin a hing puou a, a thu ei sinsakte le I zawp diek puou hi.

2 LENGTE 24:1

Jehoiakim vaihawm lai chun, Babulon leng Nebuknezar chun Judate chu a hun do a, tichun, Jehoiakim chu a thu nuoi ah kum thum a um a, zie nung chun a chungah a hung kiphin ta a.

JEREMIA 25:1

Juda leng Jehoiakim, Josia chapa vaihawm kum lina a, Juda mite chengcheng chungchanga Jeremia kawma thu hungtung chuh: Zie hun chuh Babulon leng Nebuknezar vaihawm kum khatna a hi a;

JEREMIA 27:16

Thiempute leh zie mipite chengcheng kawma hin le ka gen tho ta a, Lalpa chun hiti hin a gen hi: “Na kawm u a thiemgau thu gente chuh ngaitha kiu. Ngaitiem u, Babulon apat in Lalpa in a belte chuh hun puo tung vak ding ahi tai tite chuh na kawm u a zuou gen ahi ngâl u a.

JEREMIA 28:3

Kum nih sungin Lalpa Ho-In a ûmlebel, Babulon leng Nebuknezar in zie mun apat a a lâk haw, Babulon lama a puok manghaw cheng chuh, kum nih sungin a mun ngêi ahin hun puo lut kit ding ka hi.

JEREMIA 35:11

Chun, hiti hi a hung hi a, Babulon leng Nebuknezar in gam a hun do lai khan, keihaw chun, Kaldai sepaihte leh Suria sepaihte lauh ziekin Jerusalem ah chieh hitiu, ka tiu a. Tichun, Jerusalem ahin ka na cheng tau hi,” a tiu a.

JEREMIA 50:2

“Nam tin lak achun gen un la, phuong un! puonlap khâi unla, phuong unla, îm kiu in. Babulon chuh lak a hi tai! Bel chuh a zahhuoi ta a, Merodak chuh a taisie, a milim pathiente chuh a zahhuoi ta a, a sie zo tai!”

DANIEL 5:13

Tichun, Daniel chuh leng masang achun a hun puilut u a, leng chun Daniel kawmah, “Daniel, Juda saltâng chate laka mi ka pa leng in Juda gam apat a a hun puih chuh na him?

2 KHANGTHUBU 36:5

Chun, Jehoiakim chu a lal pat tûngin kum sawmnih lenga mi a hi a, Jerusalem ah kum sawmlekhat vai a hawm a, Lalpa a Pathien mitmuh in thil phalo a hih sek a.