DANIEL 1:19 - PATHIEN LEKHABU THIENGTHO (BSI)

¹⁹ Chun, Leng chun amau haw chuh a na hopih a, a laku achun Daniel te, Hanania te, Mishael te, Azaria te tawbang mawngmawng chu a um puou hi. Zieziekchun amau haw chuh leng vaihawmna In achun a ding tau a.

DANIEL 1:19 ပူးပေါင်းရင်းမြစ်များ

DANIEL 1:5

Chun, leng chun leng an lim tak nichenga leng in a nek sekte leh uain a dâwn sekte mah chuh ziete kawma chu pie dingin le thu a pie a. Zie tawbanga chuh kum thum sung sinsak a hih nung u chuh leh, leng masanga ahung kilat dinguh ahi.

THUCHINGTE 22:29

Mi khutthiem taima taka nasem na mu kha? Amah chun leng masang achun ding intin, mi vantâng masang achun ding kha puo’n a.

THILSIEMBUL 41:46

Joseph chuh Aigupta leng Pharaoh ma a a din lai chun kum sawmthum mi ahi a, Chun, Joseph chuh Pharaoh kawm apat in a pawtdawk a Aigupta gam chengcheng chuh a tawh suok ta a.

JEREMIA 15:19

Zieziekchun, Lalpa chun hiti hin a ti a, “Na kisik chun hun tung ding kit ing ka ting, chun, ka masangah ding kit ding na hi. Asie hilo a thilpha ngen na gendawk chun ka kam tawbang hin la. Amau chun nang lam hun nga kit un tin, himahleh, nangin vang amau lam na ngat ding ahi puoi.

1 LENGTE 17:1

Tishbe mi, Elijah, Gilead gama Tisbea um chun, Ahab kawmah, “Lalpa Israel te Pathien, a âng a ka din sek na hinna sâlin ka gen hi: ka thu lo in, kum bang zah ahim sung chu guoh leh dâitui himhim kie puo’n a,” a ti a.

DANIEL 1:6

A mi teldawkteu lak achun Juda nam apat Daniel te, Hanania te, Mishael leh Azaria te a tel u a.

DANIEL 1:7

Chun, amau chuh leng miliente lawiupa chun a min uh a sa thak chiet a: Daniel chuh Belteshazar, Hanania chuh Shadrak. Mishael chuh Meshak a sa a, Azaria chuh Abednego a sa ta a.

DANIEL 1:18

Chun, leng in amau haw chuh hun puihdawk na dinga a ni guot hun tawpa chun Aspenaz chun amau haw chuh leng Nebuknezar masang achun a hun puilut ta a.

DANIEL 2:13

Khutichun thupiek chuh a suohdawk ta a, mipilte chuh suklup ding ahi tau a, tichun Daniel leh a guolte chule thah khawm ding ahi tau hi.

DANIEL 3:29

“Zieziekchun mitin, namtin, pau tin in, Shadrak, Meshak leh Abednego te Pathien chunga thu phalo gen taphawt chuh sat nêl hiu intin, a inteu chuh thilsie kawihkhâwm tawbanga siem in um un au tin thupiek ka siem ahi: zie tawbanga hukdawk thei pathien dang mawng mawng a um puoh ngâl a,” a ti a.

DANIEL 1:4

amau chuh tanglak demna bei, melhawih tak, chitna tincheng a lemhe, hetna lama pilval, thilbul sutthiem, leng In a tawihdan thiem sinsak dingin,