AMOS 9:9 - PATHIEN LEKHABU THIENGTHO (BSI)

⁹ “Ngaitiem u! thu pie’ng ka, Israel inkawte chuh a mantheihloh cheng lâkdawk na dingin, nam cheng lak ah gawdala buh a ngelh bangun ngelh ing ka.

AMOS 9:9 ပူးပေါင်းရင်းမြစ်များ

LUKE 22:31

“Simon, Simon! ngaitie, nang haw chengcheng hi Setan in buh ngelh guola a hun ngelh theihna dingin, nanguh lawi hi ahun ngên a puo.

DAN NIHNA 28:64

“Chun, Lalpa chun kâwlmawng langkhat apat a kâwlmawng lehlam chanin namtin lak ah hun thehzak intin, zie chun nang u leh na pileputeu in le na hêtkhâk loh uh thing leh suong pathien dang haw na va sem inlau.

ISAI 30:28

A hat git chuh luicha a kuong dima luong, ngâwng tieng chup a luong tawbang chuh ahi; namtinte chuh khen dawkna gawdal a sep in, mite’n a puihmang na dingun a kaihheina bulh ta’n au.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 31:36

Zie dante hi ka masang apat a a beih chun, Israel suonte chuh ka masang apat in nam a hihnau mangthai den un au, Lalpa’n a tii.

JEREMIA 46:28

Aw Jakob, ka suokpa, lau ki’n ka hun um pih zing hi, Lalpa’n a tii. Ka hun delhzak na gam haw cheng chuh sutawp ing ka ting, nang vang hun sutawp puo’ng ka; ahi’n gawtna diktak in hun gawt ing ka ting, gawt loh in vang hun suohchak sak puo’ng ka.”

JEREMIA 49:36

Elam chung achun kâwlmawng li apat in huihpi hun nun sak ing ka ting, a mite chuh muntin ah thehzak ka ting, a taih zak lohnau gam himhim um lo in thehzak ing ka.

EZEKIEL 5:10

Zieziekchun, na sunga um pate chun a chateu sa neu intin un, chate chun le a pateu sa chuh nen au; chun, na chung uh ah thutanna siem ing ka ting, na sunga dama umsunte chuh muntina thehzak vek ding ka hi.

EZEKIEL 5:12

Mipite mun thuma khena mun khat chuh hipi ahim, kiel ahim in na sung ah thiu intin un; mun thuma khena mun khat dang chuh na kimvel ah chemzâm in thiu intin un; mun thuma khena mun khat kit chuh thehzak ing ka ting, amau chuh chemzâma delhzui nalai ding ka hi.

EZEKIEL 20:38

Chun, na lak u apat a helte leh ka chunga bawhsiete chuh thit thieng ing ka ting, a umna gam u apat in puidawk ing ka ting, ahihziekin Israel gam achun lut hiel puo’n au: khutichun, Lalpa chuh ka hi tih hun he ta’n lau.”

EZEKIEL 36:19

Khutichun namte lak ah ka thehzak a, gamtin ah a kikhen zak tau a: a umdan u leh a thilhih hawu dungzui in a chung u ah thu ka tan ta a.

ISAI 27:12

Zie ni chuleh, Euphrates luipi apat in, Aigupta luipi tiengin, Lalpa’n buhchil in hun chil ina, Aw Israel mipite haw, khat khata puihkhawm a um ding na hiu.

ISAI 28:28

Buh chuh chângthâk dinga suknel ahi sek, himahleh, kuoma’n a chil thawh ngei puou a, sakawlkangtalai a chil sak u a, himahleh, a gawt nêl diek puoi.

EZEKIEL 39:28

Namte lak ah salin ka sawl a, himahlele, khatchale nutsieh umlo a, a gam uh a ka puih khawm kit ziekin, Kei hi Lalpa a Pathien uh ka hi tih he ta’n au.