AMOS 9:4 - PATHIEN LEKHABU THIENGTHO (BSI)

⁴ A melmateu ma ah salin chieh mahleu, zie a chemzâm chuh thu pie’ng ka ting, amau haw sat lum intin, a phatna dinguh hilo in, a sietna dingun a chunguh ah ka mit hak ing ka ting.”

AMOS 9:4 ပူးပေါင်းရင်းမြစ်များ

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 44:11

“Zieziekchun, Sepaihte Lalpa Israel Pathien chun hiti hin a tii: Ngaitiem u, na chunguh ah siet na hun tunsak ing ka ting, Juda chengcheng sumangthai vek ding ka hi.

JEREMIA 21:10

Lalpa chun hiti hin a tii: Zie khawpi phatna ding hilo, a sie lam in ka kiheimangsan tai. Babulon leng khut a piek hi’n tin, amah chun mei in hâl ina.”

EZEKIEL 5:12

Mipite mun thuma khena mun khat chuh hipi ahim, kiel ahim in na sung ah thiu intin un; mun thuma khena mun khat dang chuh na kimvel ah chemzâm in thiu intin un; mun thuma khena mun khat kit chuh thehzak ing ka ting, amau chuh chemzâma delhzui nalai ding ka hi.

THIEMPUDANTE 17:10

Kuole, Israel inkuon laka mi ahim, gamdang mi na kawm u a khuosa ahim, sa, a thisan puma nete chuh, Lalpa lungnatna chuh a chungah um intin, a chipihte lak apat satthak hiding ahi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

JEREMIA 39:16

Ethiopia mi Ebedmelek kieng ah chieh inla, Sepaihte Lalpa, Israel Pathien in hiti hin a tii, “Ngaitie, zie khawpi a ding hin sietna hun tun sak ding ka hi; zie chuh a phalam hilo ding ahi. Zie thu haw chuh na masang ngêi ah zie ni chuleh hung guitung in a!

JEREMIA 24:6

A phatna dingun a chungu ah ka mit chuk sak ka ting, zie gam ahin puikit ing ka. Amau haw tung ding kit ing ka ting, bawt dawk puo’ng ka ting, phutdet ing ka ting, hihsie puo’ng ka.

2 KHANGTHUBU 16:9

A mah lama lunggil diktak pute chunga a hatna latsak dingin khawvel chengcheng ah Lalpa’n a mit a tawl viel viel sek ahi. Ngawlhuoi taka thil a na hih na hi tai; tukhel chu galdo ding nei zing zing ta’n la,” a ti a.

JEREMIA 12:12

Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

AMOS 9:8

“Ngaitiem u! Lalpa Pathien mit chuh lal gam gilote chungah a chu a, chun, lei chung apat in sumangthai ka ting, amahvang chuh, Jakob inkawte chu susie vek puo’ng ka,” a tii.

ZEKARIA 8:10

Tu masang khan mipite a dingin kilawhna ding a um puoh a, gancha gawih na ding le a um diek puoi, melmate ziekin a lut leh pawtte dingin muonna a um diek puoh a; mi cheng cheng chu ka kido tuoh sak chiet ngâla.

THILSIEMBUL 44:21

Chun, nangin na suokte kawm ahin, ‘Amah chuh ka mit a ka muh theihna dingin ka kawmah hun puisuk un,’ na ti a.

PAWTDAWKNA 14:24

Khuo a hung vak ding kuon chun, Lalpa’n Aigupta mite chuh meikuong ding leh mei ding achun a vak en a, tichun, Aigupta mite chuh a sulungzing ta a.

SAM LEHKHABU THE PSALMS 34:17

Mi diktatte chuh a kiko tieng u leh Lalpa chun a na dâwng a, A lungkham na chengcheng u apat chun a hukdawk sek hi.

JEREMIA 39:12

“Amah hi pui inla, phatak in enkawl inla, bangmah lawh ki’n la, na kawma a gen bang bang chun hih in,” a ti a.