AMOS 9:1 - PATHIEN LEKHABU THIENGTHO (BSI)

¹ Lalpa chuh maichâm sika dingin ka mu a, amah chun, “Kawtkhak bul haw chuh a kilin theihna dingin, maichâm ning zumte chuh zêp in la, a bawn u a lu chung ah sugawp dimdem in: A thi bangkhaite chuh chemzâm in that ing ka ting; khatchale tai dawk puou un tin, khat cha’n le pumpelh diek puo’n au!

AMOS 9:1 ပူးပေါင်းရင်းမြစ်များ

SAM LEHKHABU THE PSALMS 68:21

Himahlele Pathien in amah dote luchang chuh sat phel phawk in a, Gitlohna lampi a chieh zel sambuoh taka chieh te chuh.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

HABAKKUK 3:13

Na mite hukdam dingin na pawtdawk a, na thau nuh lengte hukdawk dingin. Minunsiete luchang chuh na sunel a, a nungzuite pum in na sumangthai vek ta a. Selah

AMOS 3:14

Israel bawhsietna zieka gawtna chuh amah chunga ka ngak chun, zie ni chuleh Bethel a maichâmte chule susie ding ka hi; tichun, maichâm ning tin chuh sattan untin, lei ah kie tha’nau.

ISAI 6:1

Leng Uzziah a thih kum chun Lalpa chuh Lalchutphah sangtak leh lopi taka chawihsâna chu’n ka mu a, chun, a puonsilh mawng chuol chun Ho-In chuh a hihdim vek a.

JOHAN 1:32

Chun, Johan chun a thu a hetsak a, a gen a, “Thagau chuh vakhu banga van apat a hung kum ka mu a, a chungah a chu zing a.

ZEPHANIA 2:14

Tichun, a sung achun gan hawnte leh ganhing chi tinte giek un tin, Simbute chuh thilsie lak achun cheng un tin, a tukvan haw achun hâm un au! Chun, vangawngsau leh sakuh te chuh a pindan chungnung ah giek un tin, Sidar thinga In kisa haw chuh suksiet hiding ahi ngâl a.

EZEKIEL 10:4

Ziephet chun, Lalpa lopina chuh Cherub te apat chun a chieh to a, Ho-In lutna chung a chun a va ding ta a, chun, In chuh mei in a dim ta a, chun, Lalpa lopina vak chun huongsung chuh a dim ta a.

EZEKIEL 9:2

Chun, mâllam nga kawtpi chungnung zaw lam apat chun mi gup a hung u a, gâlvan a chawi chiet u a; chun, a lak u a mi khat pat ngat puona kivan chun lehkhatui bûk a chawi a. A chieh lut u a, chun, sumeng maichâm kawm achun a ding tau a.

EZEKIEL 1:28

Guoh zuk ni a mei chunga sakhizozum kilat dân tawbang hi a kimvela vak kilat dân chuh ahi Ziehi Lalpa lopina kibatpih kilat dân chuh ahi. Chun, zie chuh ka muh in khupbawk in ka puk a, thugenpa aw ka za a.

JEREMIA 48:44

Lauhna taihsan guo chuh kawkhuk ah kelut intin, kawkhuk apat a hung kaldawk te chuh thâng ah âwk ding ahi, a gawtna kum chuh Moab chungah ka hun tunsak tai, vaihawmna kum ngêi chuh tih hi Lalpa kamsuok ahi.

ISAI 30:16

“Nang u chun la, hilo e, sakawl chunga chu’n taimang ung kau,” na ti zaw ngâl u a, zieziekchun, zie chun taimang ngêi un na tin; chun, “Thil hattak chungah chu’ng kau,” na tiu a; zieziekchun, a hun delh dingte chu, nang haw sanga hât zaw hi’nau.

2 KHANGTHUBU 18:18

Mikaiah chun a gen zawm a, “Tuhin Lalpa thugen hi ngaithau in! Lalpa chu a lalchutphah a chu a, van mipi chengcheng a sika ding le ka mui.

NASEPTE 26:13

Chun, aw Lengpa, ka chieh lai in, sun-an nek phat ahi a, van apat eng, ni eng sanga vak zaw’n, keimah leh, ka tawnpihte vela eng in ka mu a.

THUPHUON 8:3

Chun, vânsâwlchâk dang, gimlim hâlna sana bawm chawi kawmin a hung a, maichâm kieng achun a ding ta a. A kawm achun, gimlim tamtak, mi thiengthote pauchamna behlap ding leh, Lalchutphah maia sana maichâm a lat ding chun a pieu a.

SAM LEHKHABU THE PSALMS 68:22

Lalpa’n a gen a, “Bashan gama kipatin puikit ing ka ting, Tuisuohgiet lithuk tak apat chu puikit ing ka.

JEREMIA 11:11

Zieziekchun Lalpa chun hiti hin a tii: Ngaitiem u, a chunguh ah thil phalo, a pumpelh loh hiel dinguh hun tunsak ding ka hi, ei sam un tin, mahleh dâwng lo ding ka hi.

JEREMIA 42:16

Hiti hi hung hi tin, chemzâm, na tizat mah mah u khan Aigupta gama chun hun pha’n tin, kiel, na lauh sek uh khan le Aigupta gam achun hun delhzui zel in tin, zie tak achun thi ding na hiu hi.

EZEKIEL 15:7

Chun, amau haw chuh ngeileh ing ka ting, Mei apat chun suokcha mah leu, mei mah chun, kangtum tho in au. Lalpa chuh ka hi tih he’n au, Amau haw ka ngeileh tieng chu leh.

AMOS 7:17

Zieziekchun, Lalpa chun hiti hin a tii: ‘Na zi chuh khawpi a nawhchizuok hi’n tin; na chapate leh na chanute chuh chemzâm in puk un tin; na gam chuh tehna gui in hawm un tin; chun, nangmah ngêi le gam thienglo sunga chun thi ding na hi a, matheilo in, Israel chuh a gam u apat in sala puih mang in um un au,’ a tii,” ti’n a dâwng a.

ZEPHANIA 1:12

“Chun, zie tieng chuleh, thaumei hâl in Jerusalem hawl dawk ka ting; mi, amau kisulungkim a, muong taka um maimai a, a lunggil u a, ‘Lalpa chun a hih pha puoh a, hih le a hihsie diek puoi,’ tite chuh gawt ing ka.

JOSHUA 10:18

Tichun Joshua’n, “Kawlpûk kawtkhak achun suong lientak tak liklut unla, a ngak ding le kawih un;

AMOS 7:9

Chun, Isak munsangte chuh hung hawm intin, Israel mun thiengthote chuh suksiet hung hi’n tin; chun, Jeroboam inkawte chuh chemzâm in do ing ka,” a ti a.