AMOS 8:3 - PATHIEN LEKHABU THIENGTHO (BSI)

³ Lalpa Pathien chun, “Zie ni chuleh, Ho-In late chuh sûnna la hung hi’n tin; muntin ah mithi luong um intin; mun chengah thipkêi in paih dawk un au,” a ti a.

AMOS 8:3 ပူးပေါင်းရင်းမြစ်များ

AMOS 5:23

Na kingkang gihawihteu chuh ngaitha puo’ng ka ting, zieziekchun, ka kawm apat na lasak thawm uh, navek um tak chuh la mang un!

AMOS 5:16

Zieziekchun, Lalpa, Sepaihte Pathien, Lalpa chun hiti hin a tii: “Khawlai mun âwng chengcheng ah kah vengvung na um intin; kawtthêl chengah, A khawk na e! tiu intin; lungkham dingin lo nei mite leh, kap dingin kahla sa thiemte sam un au.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

NAHUM 3:3

Sakawl chungchuong mite thupiek leh, chemzâm te zawlzawl leh; tiengcha phe zawlzawl leh mi thiluong vum velvul te, mi thiluongte chuh simsen guol ahi puoh a; mithi luong achun a a kisuipai hiel u a.

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

AMOS 4:10

“Aigupta gam bangin, na laku ah hipi ka hun sawl a, chemzâm in na tangvalteu chuh ka that ta a, na sakawlteu ka puimang ta a: chun, na sepaihteu giehmun namsie chuh, na nâk uh a nam khawp hielin ka umsak a: khutisa chun le ka kawmah na hung vaikit puou,” Lalpa chun a tii.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JOEL 1:11

Aw nanguh, lonei mite haw, kap un; aw nanguh grep gui enkawlte haw, buh leh buhmanpawlte ziek chun kiko vawk vawk un la; lo a buh ât ding chuh a bei ta ngâl a!

JOEL 1:5

Zukhamte haw, halh unla, kap un; Uain dâwn cheng chengte haw, uain kham in kiko vawk vawk un! na kam uh apat lak mang in a um ta ngâl a.

JEREMIA 22:18

Zieziekchun, Juda leng Jehoiakim, Josia chapa chung thu chuh Lalpa’n hiti hin a tii: “A khawk na e! Ka suohpihpa, ti’n ahim, A khawk na e! Ka suohpihnu ti’n ahim kap puou un tin, A khawk na e! lalpa ti ahim, A khawkna e! lengpa” ti ahim inle sûn diek puo’n au.

ISAI 37:36

Tichun, Lalpa vânsâwlchâk chuh a va pawt a, Asuria te giehmun achun mi nuoikhat leh singgiet leh sangnga a that a, zingkal khuo a vak phet chun, ngaitie, mithi luong ngen cha a na um ta a.

SAM LEHKHABU THE PSALMS 39:9

Nangmah hih ahih ziekin Ka pau puoh a, ka kam le ka ka diek puoi.

SUNNA LA 2:10

Zion chanu upate chu tuol ah a chuu a; Saidippuon kisilh in a luchang u achun leivui a kibuok khum u a. Jerusalem ngâklakte chu tuol lam ah a kûn tha tau hi.

AMOS 6:4

Saiha zâlkhun a kuol a, a chutna sau chung a guolvakna siem a, belam guol laka belamno te leh, bâwng umna laka bâwng tuoi sate ne a,

AMOS 6:5

kingkang a thatdahna lasate, David banga la phuok a, kingkang tumte haw,

AMOS 6:8

Lalpa sepaihte haw Pathien chun, Lalpa Pathien chun, amah leh amah kiminsâl in a kipautiem a; Jakob uonna chuh ka kihdak a, a leng-In teu chuh ka haw a, zieziekchun, kuole, a khawpi sunga um chengcheng te chuh mi matsak ding ka hi.

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!