AMOS 7:6 - PATHIEN LEKHABU THIENGTHO (BSI)

⁶ Zie thu ahin Lalpa chuh a kisik a, Lalpa Pathien chun, “Zie hile hung tung lo ding ahi,” a ti a.

AMOS 7:6 ပူးပေါင်းရင်းမြစ်များ

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JONA 3:10

Tichun, Pathien in a thilhih teu chuh a mu a, a lampi phaloteu chuh a haihsan ui tih a mu a. Khutichun, Pathien chun a lungthim ngaihtuohna chuh a sang ta a, hih tei ding ka hi ti a a gen guol khan a gawt ta puoi.

AMOS 7:3

Zie thu ahin Pathien chuh a kisik a, “Na thilmuh hi hungtung puo’n a,” a ti a.

JEREMIA 26:19

Juda leng Hezekia leh Juda mipite khan amah a that u leh? Lalpa lau in Lalpa deihsakna chuh a ngên u a, Lalpa’n a chung u a thil phalo tung ding a tih chuh a kisik kit hilo ahim? Ei un vang ei mau a dinga thil phalo I chung u a I tunsak ding uh ahi hi,” a tiu a.

SAM LEHKHABU THE PSALMS 135:14

Lalpa chun a mihaw chuh vaihawm sak in, A sawntawlawi te chung thu a chun a lungthim chu kilehhei ding ahi ngâl a.

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

VAIHAWMTE 10:16

Tichun, a lak u a nam dang pathiente chuh a kawihmang u a, Lalpa na a sem tau a. Chun, Israel chate lungkham ziek chun a lungthim chuh a lungkham mah mah ta a.

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

THILSIEMBUL 6:7

Tichun Lalpa chun, “Ka mihiem siem hi lei chung apat hin sumangthai mai ing ka; mihiemte, gamsate, bawka vak ganhingte, chung leng vachate natieng in ka na siem tâk ziekin ka kisik hi,” a ti a.

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

JEREMIA 42:10

‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.

JOEL 2:13

Na puon uh hilo in, na lunggil uh bawtthêk un la.” Lalpa na Pathien lam u chuh ngau in. Amah chuh mi lungsiet thei tak leh, lainatna a dim, lungnem leh lungsietna hau; thil phalo hihte gawt ding hilo in, ngaidam dinga kisazo zing ahi ngâl a.

AMOS 7:7

Hitibang hin ei etsak a: chun, ngaitiem u! Lalpa chuh etlemna manga kilem, bâng zang tak kieng ah a dinga, a khut in etdikna a chawi a.

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

1 KHANGTHUBU 21:15

Chun, Pathien in Jerusalem khuo hihsie dingin vânsâwlchâkte a sawl a, a vak hihsiet ding kuon tak u chun, Lalpa chun a vak en a, thil phalo hih a guot chu a lung a hei a, tichun, mipite hih mangthai vânsâwlchâk kawm achun, “Hih ta ki’n, zie kha a hun tai!” a ti a. Lalpa vânsâwlchâk chu, Jebus-mi, Ornan buhphuol a chu ding a hi a.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi