AMOS 7:2 - PATHIEN LEKHABU THIENGTHO (BSI)

² Chun, hiti hi a hung hi a, zie gama hampa chuh a nek zawh hun un, “Aw Lalpa Pathien, ngaidam in, ka hun ngên hi, Jakob chuh bangti’n ahim a din theih ding, amah a neu ngâl a?” ka ti a.

AMOS 7:2 ပူးပေါင်းရင်းမြစ်များ

EZEKIEL 11:13

Chun, hiti hi ahi a, thu ka genlawk zing lai chun Benaiah chapa Pelatia chapa chuh a na thi ta mai a. Khutichun, ka maia leituol si’n ka bawkkhup a, aw ngeih tak in ka kiko a, “Aw Lalpa Pathien; Israel umsunte chimit na ding siem ding na him?” ka ti a.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

EZEKIEL 9:8

Chun, hiti hi ahi a, khawpi a mi aban thah lai u chun kei ngawncha a nutsieh in ka na uma; chun, ka bawkkhup a, “Aw Lalpa Pathien, Jerusalem chunga na lungnatna buntha a Israel umsun cheng hi sumangthai ding na him?” ti’n ka kiko ta a.

JEREMIA 42:2

Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

PAWTDAWKNA 10:15

Lei chung chengcheng chuh a dâp suok a, tichun gam chuh a thim mepmup mai ta a; giel seh siet mâwk, zie gama thaichi tincheng leh, thai gah chengcheng chuh a ne zo u a; tichun, Aigupta gamsung cheng achun lo a thilhing himhim, thing leh thaichi haw chuh a bei vek ta a.

THUPHUON 9:4

A chalpâng uh a Pathien melchikna kinam nei lote ngâllo chuh, leia hampa le, thilhing himhim le, thing himhim le, susie lo dingin a hilh u a.

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

AMOS 7:5

Chun, ken, “Aw Lalpa Pathien, hai ah, ka hun ngên hi: Jakob chuh bangti’n ahim a din theih ding, amah a neu ngâl a?” ka ti a.

DANIEL 9:19

Aw Lalpa ngaitha tie, Aw Lalpa ngaidam in, Aw Lalpa, ngaitha’n la hih in. Aw ka Pathien nangmah ziek mah mah in na khawpi leh na mite na min vawh a a um ziek un” ti’n.

ISAI 51:19

Buoina thuoh nih in a hun tunkhum ta a, na gam u chuh kidona a suksiet in a um ta a; Na mite chuh gilkiel in a chautha zo tau ui! Kuon ahun thamuon ta die? Sukgamna, kiel leh chemzâm, kuo manga nang hun thamuon ding ka him?

SAM LEHKHABU THE PSALMS 12:1

Lalpa, ei panpih in: Pathien ngaihsak mi a um ta puoh ngâl u a, Mihiem chate lak apat hi mi muon-um chuh a bei ta ngâl u a.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

JOEL 2:17

Ho-In hulliep leh maichâm kikala nasem thiempute chuh, kap kawmin paucham u hen la, “Aw Lalpa, ka chungu ah zahngai in! Nam dangte chuh, ‘Na Pathien uh khawia um a hi ta?’ ti a, musit tak leh ei nuihsan dingin umsak ki’n,” ti’n gen u hen.

AMOS 4:9

“Gawtna leh apna’n nanguh ka hun gawt a, na huonteu, na grep huonteu, na theipi kungteu, na olive thingteu cheng chuh thingnget lung chun a ne zo vek ta a: khutisa chun le ka kawmah na hung vaikit nuom puou hi,” Lalpa’n chun a tii.