AMOS 5:7 - PATHIEN LEKHABU THIENGTHO (BSI)

⁷ Vaihawmna dik gamsai suoh saka, diktatna leia paihte haw,

AMOS 5:7 ပူးပေါင်းရင်းမြစ်များ

AMOS 6:12

Sakawlte chuh suongpi chungah a tai ngei a ahim? Zie tak a chun mi’n bâwngchal in lo a kalh dem? Khutisa chun le, diktatna gah chuh thihna gu na chansak u a, thil dik chuh thil diklo na chansak tei tei ngâl u a!

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

HOSEA 10:4

Thugawlh a siemnau ah lepchieh a kipautiem in, thu a gen maimai u a, zieziekchun, lei kilet chuop a hampa gu nei a keh dim bangin vaihawmna a pung ahi.

EZEKIEL 3:20

“Chun, mi diktat chun a diktatna kiheimang sana thil phalo a hih a, a maa kipalna ka na kawih chun amah chuh thi’n a: vaulawkna na neih loh ziekin a gitlohna achun thin tin; a thil dik hihsa haw chuh hetzing hi puo’n a; a thisan phuba chu vang nang kawma ngek ding ka hi.

DAN NIHNA 29:18

Khutilochun, na lak u ah pasal ahim, numei ahim, inkuon ahim, phung ahim zie nam pathiente ho ding chun a lunggil un tuhin Lalpa I Pathien u chuh kiheisan in, na lak u ah thil kha leh gamsai kehdawkna bulhaw hung um khapalh kha’n lau.

EZEKIEL 33:18

Mi diktat chun a diktatna kiheimangsan a, gitlohna a hih chun zie zieka chuh thi ding ahi.

EZEKIEL 18:24

“Himahleh, mipha chun a phatna a kiheimangsan a, thil gilo a hih a, migilote hih guola thil tenum a hih chun a hing dinga ahim? A thilpha hih chengcheng kha hetzing hita puo’n tin, ginum lohna zieka a thiemlohna leh gitlohna a hih ziek chun, ziehaw ziek chun thi ding ahi.

ISAI 10:1

Dan ningkitel um tak siem a, thupiek giksak tak ngaihtuoh dawkte haw, na chunguh a gik hi!

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

SAM LEHKHABU THE PSALMS 125:5

Himahleh, a lampi kawina haw a kiheimang te vang chu, Lalpa chun thil hihkhielte chu tawh gawt khawm in a. Israel chung achun thamuonna um hen.

SAM LEHKHABU THE PSALMS 36:3

A kama thu pawt haw chuh gitlohna leh lepbawlna thu ngen a hi seka: Chingthei taka thilhih ding leh thilpha hih a haihsan tau a.

THUCHINGTE 21:7

Mi nunsiete chuh amau gitlohna chun sumangthai intin, thil dik hih ding a nawp loh ziekun.

ISAI 5:20

Thilpha chuh thilpha lo a ngaia, thil phalo chuh thilpha a ngai a, vak chuh thima ngai a, thim chuh vaka ngai sekte. Thilthum chuh thilkha a ngaia, thilkha chuh thilthum a ngai sekte chung chuh a gik hi!

AMOS 2:3

Moab vaihawmte leh a mapuiteu cheng chuh amah tawh that vek ing ka,” ti’n.

AMOS 3:10

A kulhpi teu chuh pawngbawl leh thagum a a thil lak teu chun a sudim u a; diktaka bawl a guo hiel puou hi, Lalpa’n a tii.

ISAI 46:12

“Hukdawkna hi gamla taka um banga gelte leh; mi gukhahte haw, ei na ngaithau in!

MIKA 3:9

Nang haw Jakob insung mapuitute leh Israel insung vaihawmte, vaihawmna dik deihlo a, dikna tin cheng lehbulhte haw; ziehi ngaitha dingin ka hun ngên hi!

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!