AMOS 5:2 - PATHIEN LEKHABU THIENGTHO (BSI)

² Israel, nungak thiengtho a puk tai; dingdawk kit ta puon a: a gam chungah paih thak ahi tai; amah tungdawk dingin kuomah a um puou hi.

AMOS 5:2 ပူးပေါင်းရင်းမြစ်များ

JEREMIA 14:17

Chun, a kawm u ah zie thu hi na gen ding ahi; “A sun a zan in ka mitthitui luong henla, hul himhim kihen. Ka mi te chanu thiengtho chun liemna nasatak leh zêpna huoisie tak chuh a thuok ta ngâl u a.

AMOS 9:11

Lalpa, zie thil hihpa hin hiti hin a tii, “Zie ni chuleh, David lalgam chimsa chuh tungding ka ting, a sietna te chuh thuop pha’ng ka ting; a siete chuh lemto ka ting, malaia a um bang mah khan sapha kit ing ka.

AMOS 8:14

Samari gitlohna sama kipautiem a, ‘Aw Dan, na pathien a hin zing bangin leh, Beerseba hindan dungzui in,’ tite haw! zie mite chule puk un tin, tho kit ta puo’n au,” ti’n.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 6:2

Ni nih nung leh ei suhing intin; ni thum ni’n ei kaitho intin, tichun, a masang ah um tai tiu.

SUNNA LA 2:13

Nang dinga hetpih dinga bang thila ka mat ding? Bang tawh ka hun tehkal die? Aw Jerusalem chanu ka hun thamuon theih na dingin bang tawh ka hun tehkal die? Aw Zion chanu thiengtho, na sietna chu tuipi guolin a lien a, Kuo a hun thamuon thei ding?

JEREMIA 51:64

Babulon chuh hitibang hin tum mang intin, a chunga sietna ka tun sak ding ziekin, thokit ta puo’n a; chau mah mah in au, ti a na gen ding ahi,” a ti a. Ziehaw cheng hi Jeremia thugen chuh ahi.

JEREMIA 50:32

Chun, mi chapo chuh kisuipai intin, kuoma’n kaitho puo’n a. Chun, a khawpi haw achun mei tik ing ka ting, a kimvel a um chengcheng te chuh katum vek ina.”

JEREMIA 31:4

Hun tung ding thak kit ing ka ting, tichun, tundin a um ding na hi. Aw Israel, nungak thiengtho khuong neu haw chun kivan kit in na tin lawp a lâmna mun haw achun tel inla!

JEREMIA 18:13

Zieziekchun Lalpa’n hiti hin a tii: “Nam dangte dawng mah tiem u, tuma’n zie tawbang thil hi ana um kha ngei em? Nungak thieng Israel chun thil tizat-um tak a hih tai!

JEREMIA 4:20

Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

JEREMIA 2:27

Thingbul kawmah, “Ka pa na hi,” a tiu a. Suong tum kawmah, “Ei hingpa na hi,” a tiu a. Ei nungngat u a, himahleh, a buoi tieng u leh, tho inla ei hukdam in, tin au.

ISAI 43:17

Sepaih leh sepaih hawn lopi takte chuh sietna ah a pui a, sakawl leh kangtalaite sepaih haw ngêi chuh, a puk u a, thokit nei ta puo’n au! khuoilu thaumei mût mit banga mût mit in a um tau hi,

ISAI 37:22

A chungchâng thu Lalpa’n a gen chuh ziehi ahi: Zion chanu, nungak thiengtho chun nang a hun musit a, a hun nuihsan a, Jerusalem chanu chun na nung lam apat in a luchang a hun thinkhum hi.

ISAI 24:20

Lei hi zukham bangin lawn duoi duoi intin, huihpi’n bukcha a sawih bangin kisawi zawk zawk ina. Khawvel hi a gitlohna’n delh chim intin; tichun, tho kit ta puo’n a.

ISAI 14:21

“A kisak u a, lei chunga a suonteu in vai a hawm lohna dingun, a puteu gitlohna ziekin, a chateu thih lawh un au,” tin.

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

2 LENGTE 17:16

Chun, Lalpa a Pathien uh thupiek chengcheng chu a lehngatsan u a, bâwngno lim kisung nih a siem u a, Asher pathien lim a kisiem u a, van a aksite khu a ho u a, Baal pathien na a sem sek tau a.

2 LENGTE 15:29

Israel leng Pekah vaihawm lai in ahi, Asuria gam awptu lien, Tiglath Pileser in Ijon khawpi te, Abel-Bethmaakah te, Janoah te, Kadesh te, Hazor te, Gilead leh Galili gam te, Naphtali gam chengcheng te a lâk a, Asuria mipite chule a puih mang vek tâk chuh.

JEREMIA 8:4

Zielo chule, a kawm u ah hiti a hi na gen ding ahi, Lalpa’n hiti hin a tii: “Mi a kipuk leh thokit lo ding ahim? A gamman u leh hung vaikit lo ding ahiu em?”

JEREMIA 9:9

Zie thil haw ziek chun amau chuh gawt lo ding ka him, tih hi Lalpa kamsuok ahi. Hiti bang namte chung ahin phuba la lo ding ka him?”

JEREMIA 9:21

I tukvan hawu ah thih na a hung lut a, I leng In hawu achun a lut ta a; pawlam apat a naupang te sumang ding leh kawtthêl apat a tangval haw sumang dingin.