AMOS 4:9 - PATHIEN LEKHABU THIENGTHO (BSI)

⁹ “Gawtna leh apna’n nanguh ka hun gawt a, na huonteu, na grep huonteu, na theipi kungteu, na olive thingteu cheng chuh thingnget lung chun a ne zo vek ta a: khutisa chun le ka kawmah na hung vaikit nuom puou hi,” Lalpa’n chun a tii.

AMOS 4:9 ပူးပေါင်းရင်းမြစ်များ

HAGGAI 2:17

Nasep dawk cheng chenguh susie dingin khawkhalte, muotnate, chun gielte ka hun sawl a, himahlele, kei lam na hung nga diek puou hi, Lalpa’n a tii.

DAN NIHNA 28:22

Lalpa chun nuhpi natnate, khawsikte, meimasiete, huih sate, khawkhalte leh thaichi natnate’n hun gawt intin; na manthai masangsieh un hun delhzui zel in au.

JOEL 1:4

Thing nget in a nek mawk tapoh chuh khaupe’n a ne a, Khaupe’n a nek mawk tapoh chuh thing nget in a ne a: Thing nget in a nek mawk tapoh chuh lung in a ne zo tai!

AMOS 4:6

“Chun, Ken le na khawpiteu chengah kiel ka tun sak a, na mun chengcheng u ah tâksapna ka tunsak a, khutisa chun le ka kawmah na hung vaikit puou hi,” Lalpa chun a tii.

AMOS 4:8

Khutichun, khawpi nih ahim thum ahim chuh, khawpi dangah tui dâwn dingin a vak u a, a khawp diek puou a, khutisa chun le ka kawm lam ah na hung vaikit nuom puou ui,” tih hi Lalpa kamsuok ahi.

JOEL 2:25

Na lak uh a sepaih hawn tamtak banga ka sawl, khaupete, thingnget te, lungte, thinglungte’n a nek zawh kumteu a a na mansakteu kha hun din kit ing ka.

JOEL 1:7

Ka grep guiteu a susieu a; ka theipi thing hawng teu a khawk uh a; A khawk ngim kei uh a, a paihmang tau a, a bâkte chuh a malngim suok kêi tau hi!

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

JEREMIA 3:10

Khutisa chun le a suohpihnu ginumlo Juda chun a lungthim takin ka kawma hung vaikit lo in, pawlawng mai in a hung vaikit a, tih hi Lalpa kamsuok ahi.”

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

2 KHANGTHUBU 6:28

“Ka gam uh a hin kielte ahung kiek a, hipi te ahung lên a, gawt na ahim, muotna ahim, khaupe ahim, lung ahim ahung um a, a melma teu in a khuou haw a hun um u a, hipi bang hileh natna bang hi leh a hungtun chun,

1 LENGTE 8:37

“Gam a kiel a kiek a, hite a lên a, gawtna ahim, muotna ahim, khaupepi ahim, lungte ahim a hung um a, melmate’n a kawtkhak vel u a a hun huol u a, bang hi hitaleh, bang natna hitaleh a hung tun chun;

DAN NIHNA 28:42

Na theikung chengcheng u leh na thaichi teu chengcheng chuh khaupe’n ne zo ina.

ISAI 50:11

Himahleh, nangmau meisel kidet a, thal kuong thei chawite haw, na thal kuong thei vak uh a chun khawsa himhim tiem u, Lalpa khut na thuok ding u chuh gim-um leh huoisie tak hiding ahi.

HABAKKUK 3:17

Theipi thing paklun lo in, grep gui inle gahsuoh kihen la, olive thing le gah lo in, Lo haw chun le nek ding suoh kiu henla; Huong apat in gan guolte thi zo in; gan In ah gancha te um kimahleh,

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

HOSEA 11:5

“Himahleh, a kihei kit nawp loh ziekun, Aigupta lam ah vaikit untin; Asuria te chun a chung u ah vaihawm un au.

MALAKI 3:11

A ne mangte chuh hun khapsak ka ting, tichun, na lei gahteu chuh hun suksiet sak ta puou un tin, huon a na grep gahteu chuh a hût in pulh diek ta puo’n a, Bangkim hihthei Lalpa chun a tii.