AMOS 4:8 - PATHIEN LEKHABU THIENGTHO (BSI)

⁸ Khutichun, khawpi nih ahim thum ahim chuh, khawpi dangah tui dâwn dingin a vak u a, a khawp diek puou a, khutisa chun le ka kawm lam ah na hung vaikit nuom puou ui,” tih hi Lalpa kamsuok ahi.

AMOS 4:8 ပူးပေါင်းရင်းမြစ်များ

AMOS 4:6

“Chun, Ken le na khawpiteu chengah kiel ka tun sak a, na mun chengcheng u ah tâksapna ka tunsak a, khutisa chun le ka kawmah na hung vaikit puou hi,” Lalpa chun a tii.

HAGGAI 1:6

Buh tampi na chîng u a, himahleh tawmcha na ât tau a. Na neu a la, na tai diek puou a; na dâwn u a, na khawp diek puou a; na silh u a la, lum na sa diek puou a, sum lawhte chun le dip tawvang a kawih ding mai a a lawh uh ahi.

1 LENGTE 18:5

Chun, Ahab in Obadia kawmah, “Gamsung a tuinak chengcheng leh luiguom umna cheng va tawh viel tie; sakawl leh sabiltungte hih I hukbit theihna dingun hampate I muh sak theih khâk u leh, khutilochun gancha haw hi chan vek khâi tiu,” a ti a.

MIKA 6:14

Neu in na tin la vah chuom puo’n na tin uh, na gil uh kiel tho tho ina. Thil kawihheh un na tin uh, himahleh hukbit diek puo’n lau; na kawihkhawl cheng u chuh gâl in sumangthai vek ding ahi ngâl a.

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

JEREMIA 23:14

Jerusalem thiemgaute chunga le, thil zahhuoi tak ka mûi. Zawl a sai uh a, lepchieh in a khuosau a; thil gilo hihte khut chuh a suhat uh a, mite’n a nunsietnau a kisik loh lawh tau a, Kei dingin Sodom khuo a mite bang a hung hi vek tau hi! A khuo sunga mite cheng le Gomorah khuo mite bang a hung hi vek tau!

JEREMIA 3:7

Chun, kei chun zie thil haw chengcheng a hih nung hin ka kawmah hung vaikit ina, ka ti a; mahleh a hung vaikit diek puoh a chun, a suohpih nu mithep hât Juda chun le a mu ta a.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

JEREMIA 3:3

Ziehaw ziek chun guoh zuk sak ahi puoh a, guoh nunung le a zu diek puoi. Nang chun mihûk maiput in na pu a, na zakcha nuom hiel puoh ngâl a.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

HOSEA 11:5

“Himahleh, a kihei kit nawp loh ziekun, Aigupta lam ah vaikit untin; Asuria te chun a chung u ah vaihawm un au.

HAGGAI 2:17

Nasep dawk cheng chenguh susie dingin khawkhalte, muotnate, chun gielte ka hun sawl a, himahlele, kei lam na hung nga diek puou hi, Lalpa’n a tii.