AMOS 4:6 - PATHIEN LEKHABU THIENGTHO (BSI)

⁶ “Chun, Ken le na khawpiteu chengah kiel ka tun sak a, na mun chengcheng u ah tâksapna ka tunsak a, khutisa chun le ka kawmah na hung vaikit puou hi,” Lalpa chun a tii.

AMOS 4:6 ပူးပေါင်းရင်းမြစ်များ

HAGGAI 2:17

Nasep dawk cheng chenguh susie dingin khawkhalte, muotnate, chun gielte ka hun sawl a, himahlele, kei lam na hung nga diek puou hi, Lalpa’n a tii.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ISAI 9:13

Himahlele, Israel mite chuh a kisik puou a, amau haw gawt mahleh, sepaihte haw Lalpa lam chuh a nga diek puou.

THUPHUON 2:21

Chun, lungheina dingin a kawmah hun ka tiem sak a. himahlele, a mi deihchak nawp chuh a haihsan nuom diek puoi.

HOSEA 5:15

“Ka mite chun a gitlohna ziek u a a thuok khawp kei u a, kei lam a hun hawl kit macheng un, limsak lo in um ing ka. A thuok gimnau ziekin ei hun hawl kit vak ding ahiu hi,” ti’n.

THIEMPUDANTE 26:26

Na nek muh na lampiu hun suktan sak ing ka ting, zie tieng chuleh, numei sawm in thuk khat ah chângthâk kang untin, na chângthâk u chuh teh det det in hun pie kit untin, neu in na tin un vah diek puo’n lau.

EZEKIEL 16:27

Zieziekchun, ngaitie, na chungah ka khut ka tha a, na gam luoh ka suneu a, na melmate, na hûk dân hun zahchâkpih, Philistia chanute kawm achun a nawp nawp uh a hun lawh dingun ka hun pie tai.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 3:1

Ngaitiem u, Lalpa sepaihte Lalpa chun, Jerusalem leh Juda mipite ki-ngakna a nek leh dâwn uh, a matchâk chengcheng leh a set pên uh tui cheng chuh lâksak ding ahi;

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

2 LENGTE 8:1

Chun, Elisha’n a chapa a sukdam sak numeinu kawm achun, “Kipan inla, nang leh na inkawte tawh, na um theih theih nau ah va um tadih un; Lalpa’n kiel hun kiek sak ding ahi, zie gam ahin kum sagih sung kiel kie ding ahi,” ti’n a gen a.

2 LENGTE 4:38

Khatvei chu gam pumpi a kiel a kiek lai chun, Elisha chu Gilgal ah a vaikit ta a. Thiemgau pawl khat a sinsak lai chun, a suokpa khat chu, mei chunga bel suong a, amau haw a dinga anchîm huon sak dingin a hilh a.

1 LENGTE 18:2

Tichun Elijah chuh Ahab kawma kilang ding chun a chieh ta a. Samari gam achun kiel chu a huoisie ten ngâl a.

1 LENGTE 17:1

Tishbe mi, Elijah, Gilead gama Tisbea um chun, Ahab kawmah, “Lalpa Israel te Pathien, a âng a ka din sek na hinna sâlin ka gen hi: ka thu lo in, kum bang zah ahim sung chu guoh leh dâitui himhim kie puo’n a,” a ti a.

DAN NIHNA 28:38

“Lo ah buhchi tamtak tuh in na tin un, ahih ziekin, tawmcha chauh ât un lau, khaupe’n ne zo ding ahih ziekin.

JEREMIA 14:18

Daikieng a ka va chieh leh, ngaitie, chemzâma thah te, khawpi sunga ka lut leh, ngaitie, kielpi a thite ka mu a; Gamsung achun thiemgaute leh thiempute chuh, amau lawkna mai hawl in a vakviel u a, zie tawbang a thiltung haw chuh a hepha puou hi.” ti’n.

EZEKIEL 14:21

Lalpa Pathien chun hiti hin a ti ngâla, “A sunga mite leh gancha haw sumangthai dinga Jerusalem chunga ka gawtna lite, chemzâm leh kiel leh gamsa hâng haw leh hipi ka tun kim sak tieng chuleh bang tawbanga huoisie ahi ta dem?

JOEL 1:16

I mitmuh ngei uh ah I lo a thai teu sukmangthai ahi a; I Pathien uh In a kipahna chuh a um ta puoi!

THIEMPUDANTE 26:23

“Khutisa a chule ka thununna na pawm loh u a, ei kalh lama na um zing u chun,

RUTH 1:1

Vaihawmte chun vai a hawm lai un, hiti hi a hung hi a; Zie gam achun kiel a hung kie ta a. Chun, Bethlehem a Juda mi khat Moab gama va cheng dingin, amah leh a zi leh a chapate nih tawh a chieh tau a.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

HOSEA 11:5

“Himahleh, a kihei kit nawp loh ziekun, Aigupta lam ah vaikit untin; Asuria te chun a chung u ah vaihawm un au.