AMOS 4:5 - PATHIEN LEKHABU THIENGTHO (BSI)

⁵ Chun, kipah thugenna kithawihnate chuh lân unla, nawp thu a thillat te chuh gen unla, phuong un: Aw Israel chate haw, ziehi na bawl nuom ngâl u a,” Lalpa Pathien chun a tii.

AMOS 4:5 ပူးပေါင်းရင်းမြစ်များ

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

SAM LEHKHABU THE PSALMS 81:12

Khutichun a lunggil uh genhak dân bang zel a um ding in ka thahthawt ahi. Amau haw lemguot banga a um na dingun.

MATTHAI 6:2

“Khutichun, thilpiek mi kawma na piek tieng leh, mi, mi gukhah te’n pahchak ding deihna a, kikhawpna Inhaw leh khawlai dung le vaia a hih sek guol un, na mau ah pengkun mût kiu. Tihtakzet a ka hilh na hiu hi, a kipahman uh a mu zo tau hi.

HOSEA 9:1

Aw Israel, Pathien helote guola na kipahna siem chuh haihsan in. Na Pathien apat in na kiheimang a, amah a dinga ginum ta lo na hi. Gam sung pumpi a chun nawhchizuok guolin Baal pathien kawmah nangmah na kizuok viel a, buhte chuh lawh dinga a hun piek hi a na ngaih ziekin na deih mah mah a!

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

MATTHAI 23:23

“Na chunguh a gik hi! Nang haw, Danthuzik leh Pharisai gukhahte haw! Pudina leh pathikhawm, chuleh zira cheng hi sawma-khat na tuok sek u a, himahleh, dân thu khawk zaw diktatna, lungsietna, ginumna haw chuh na ngaitam ngâl sek un; ziehaw chuh a puo na hih dinguh chuh, a dangte chuh haihsan diek lo in.

MATTHAI 15:9

Bang hitalele, a mi sinsaknau ah mihiem thupiek a a hilh ziekun, Ei ho sek u hi mawk mai ahi,’ ti’n,” a ti a, a dâwng a.

THIEMPUDANTE 23:17

Inkuon tinin chângthâk pêk nih na hun chawih u a, Lalpa kawma pei thilpiek a na lat dinguh ahi. Chângthâk pêk chuh changbuong ephah mun sawm a khen mun nih chawl tawh mêk hel a, Lalpa kawma gah masa thillat a na piek dinguh ahi.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 7:10

Tichun, zie In, keimah min kivawh ahin ka masang a dingin, zie thil tenum tin cheng hi hih kawm zelin, ‘Hukdam ka hi tai,’ ti ding na hiu maw?

AMOS 5:21

Na kut hawu chuh ka kihdak a, guntak a na kikhawppi na hawu a chun le kipahna ka nei diek puoi!

AMOS 5:22

Ahi, na hâlmang thillat teu leh, na an thillat teu ei pie leu chin le, a na pawm puo’ng ka ting; na kichamna gan thau thillat teu chule ngaihsak diek puo’ng ka.

ISAI 1:1

Amoz chapa Isai in Juda leng Uzziah, Jotham, Ahaz leh Hezekia te vaihawm laia, Judate leh Jerusalem chungchâng thu a kilâkna a muh chuh:

ISAI 1:11

Lalpa chun hiti hin a tii, “Na kithawih na zozai u hi kei dingin banga a phatchuomna um? Hâlmang kithawihna belamchal te leh gan vak thaute chule ka ningkitel ta a.” Bâwngchalte thisan ahim leh belam leh kelchalte thisan chule ka chim tai.