AMOS 4:4 - PATHIEN LEKHABU THIENGTHO (BSI)

⁴ “Bethel achun hung unla, thil gilo bawl un! Gilgal achun hung unla, bawhsietna supung un! Na kithawihnateu chuh zing chengin hun chawi unla, na sawma-khatteu chuh ni thum hal cheng leh hun chawi khawm un.

AMOS 4:4 ပူးပေါင်းရင်းမြစ်များ

HOSEA 4:15

“Israel, nang chun nawhchizuok chîng mah leh chin, Juda vang chuh gilo kihen; Gilgal ah Pathien ho ki’n la, Bethel ale va chieh to diek kiu unla, ‘Lalpa a hin zing bang hin,’ ti’n le kipautiem diek kiu in.

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

MATTHAI 23:32

Na pileputeu tehna chu hih dim ngâl mai un.

AMOS 5:5

Himahleh, Bethel khuo hawl kiu unla, Gilgal ale lut diek kiu un, Beerseba khuo galkai kiu un: Gilgal khuo chuh thâwn lo in sala man ding ahi ngâl u a, Bethel khuo chuh bangmahlo hung hi’n a.”

HOSEA 12:11

Himahleh, Gilead a chun milim ho a hi zing a, a hote chuh thi tei ding ahi ngâl u a. Gilgal achun bâwngchalte a lân u a, himahleh, a maichâmteu chuh gamtalai laka suong sieh vum bang chauh hung hi ding ahi.”

HOSEA 9:15

A nunsiet nau chengcheng chuh Gilgal ah a bawl pan u a, zie tak achun amau chu ka haw ngâla: a thilhih uh gilote ziek chun ka In apat nawhdawk ing ka: amau haw chuh lungsiet ta puo’ng ka; a lawiupa teu chengcheng chuh helchîng ahi ngâl u a.

MARK 14:41

Chun, a hung thumveina achun, a kawm u ah, “Tuhin chuh ipmuu inla kichawl tau in. A hun tai! A hun chuh a hung tung tai! En tiem u, Mihiem Chapa hi migilote khuta matsak a um ding ahi.

MARK 5:5

A sun a zan in thân haw leh tânghaw achun a um zing sek a, a kiko ko sek a, suongin le amah leh amah a ki-ât sek hi.

AMOS 3:14

Israel bawhsietna zieka gawtna chuh amah chunga ka ngak chun, zie ni chuleh Bethel a maichâmte chule susie ding ka hi; tichun, maichâm ning tin chuh sattan untin, lei ah kie tha’nau.

THUGENPA 11:9

Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

MATTHAI 26:45

Zie zawh chun sinsakte kawm achun a hungkit a, a kawm u ah, “Tuhin chuh ipmuu inla, kichawl tau in! ngaitiem u! a phat a hung tung ta a, Mihiem Chapa hi mi gilote khuta matsak ding ahiu hi.

DAN NIHNA 26:12

“Chun, a kum thumna, sawma-khat piek kum a na sepgahteu chengcheng sawma-khat na kawihchuom zawh tieng u leh sawma-khat haw chuh Levi mite, gam chuom mite, nauchagahte leh meithaite na piek dinguh ahi, na khuou ngeia a nek u a tai tak leh vah taka a um theihna dingun;