AMOS 3:6 - PATHIEN LEKHABU THIENGTHO (BSI)

⁶ Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

AMOS 3:6 ပူးပေါင်းရင်းမြစ်များ

ISAI 45:7

Vak ka na siem a, thimna hi ka um sak ahi a, Vangsakna leh vangsietna le ka hun tun gêl gêl a hi ngâl a. Kei Lalpa hin zie thilte chuh ka hih ngêi ahi.

ZEPHANIA 1:16

Kulh a ki-um khawpite chunghaw leh, gâlven kulh sangte chunga kidona pengkun leh galdo kiko thawm a dimna ni hi’n a.

2 KORINTH 5:11

Khutichun, Lalpa lauhna zie he’n, mi dangte chuh ka zawl sek uh ahi. Pathien in ei he suok vek a, nang haw’n le, na lungthim tak uh a nei hetuh ka kinem hi.

THILSIEMBUL 50:20

Nang un vang lungthim phalo nei in ka chungah thil gilo hih na guou a; himahlele, Pathien chun tuni banga, mi tamtak hingledam a hukhinna dingin, thilpha a suoh sak guot ahi zaw ngâl a.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

JEREMIA 6:1

Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

JEREMIA 4:5

Juda gam ah phuong unla, Jerusalem ah genzak un. Gamsung pumpi achun pengkun mût unla, ngeih tak in kiko un. Hung khawm unla khawpi kulh nei haw ah lut hitiu, tiu un.

NASEPTE 4:28

Amau haw chuh, na thilhih-theihna leh, nangmah deihdan a thil um dinga na guotlawksa cheng hih dinga kigawm khawm ahiu hi.

EZEKIEL 33:3

Amah chun gam chunga chuh chemzâm hung tung a muh a, pengkun a mût a, mipite chuh a hetsak masak a,

JEREMIA 10:7

Aw namte leng, kuo a nang hun kihchalo ding? Zie chuh nangin na phu him a. Namte miching haw lak leh lalgam haw laka le, nang tawbang kuomah a um puoi.

HOSEA 5:8

Gibeah khuo achun kidona pengkun mût unla, Ramah khuo achun kigalginna chuh mût un: Bethel achun lauhna aw suoh unla. Kidona achun lut in aw Benjamin te haw!

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

JEREMIA 4:19

Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

AMOS 3:5

Thâng-antakchuon umlo in thâng ah vacha a âwk theia ahim? Bangmah awklo in thang chuh lei apat in a pel dinga ahim?

ZEKARIA 8:10

Tu masang khan mipite a dingin kilawhna ding a um puoh a, gancha gawih na ding le a um diek puoi, melmate ziekin a lut leh pawtte dingin muonna a um diek puoh a; mi cheng cheng chu ka kido tuoh sak chiet ngâla.

2 LENGTE 6:33

Chun, khutia amau haw a hopih zing lai chun, ngaitie, a mi sawlpa chu a hungtung suk ta a; chun, lengpa chun, “Ngaitie, zie thil phalo hih Lalpa hun sawl ahi hi; bang dinga Lalpa hungaih nalai ding ka him?” a ti a.