AMOS 2:7 - PATHIEN LEKHABU THIENGTHO (BSI)

⁷ Mi chagahte chuh tuol tawh a tawhden u a, sukgimtheih a umte chuh a kimuhloh sak u a; pa leh a chapa chun suok numei khat a kuolkhawmpih u a, zie tawbang hin ka min thiengtho chuh a subuok u a.

AMOS 2:7 ပူးပေါင်းရင်းမြစ်များ

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

EZEKIEL 22:11

Na sunga chun mi’n a invengte zi zawl a saihpih a, mi dangin a mo a kuolpih a, na sunga chun mi dangin a suohpihnu, nu chuom tawh a pa chanu, a kuolpih hi.

ISAI 10:2

Mi chagahte hung phatna ding chuh na nang chak u a, meithaite leh pa neilote thil neih na lâksak u a.

1 KORINTH 5:1

Na laku ah, kipawlthanghuoina a um hi tih a kithang vengvung a; khutibang kipawlna chuh Jentel te laka le um khalo, na lak uh a mi khatin a pa zi a kuolpih khah.

MIKA 2:9

Ka mi, numeite chuh, a in nuom tak uh apat chun na nawhdawk u a, a chateu, ka vangsaknate chuh na sukmangthai sak uh a.

MIKA 2:2

Mi lo haw a awtchau a, a lâksak u a: In haw a awtchau a, a la mang zieng u a, mi leh a In teu leh, a go luoh ding teu natieng in a sugimthei uh ahi.

ROME 2:24

A zik guol ngêi u khan, Pathien min chuh nangmau ziekin Jentel te lak achun gensiet in a um tai.

ZEPHANIA 3:3

A milienteu chuh sakeibaknei kitum bangin a um u a, a vaihawmteu chuh ngei gilkiel tak, duh-âm tak, zingkal tienga le a saguh peh taihsan nuom lo bang ahiu hi.

AMOS 8:4

Ziehi ngaithau in, Aw tasamte tawhden a, gama gimtheite sumang nuomte haw!

AMOS 4:1

Nanguh, Bashan muna bâwngpi vak thau tawbangte haw! Samari tâng chunga um a, chagah nuoisieh a, tasamte tawhden a, a pasalteu kawma, Hun lau inla, dâwn hitiu tite haw, zie thu hi heu in:

EZEKIEL 36:20

Namte kawm a tun phet un, ka min thiengtho a subuok u a, mite chun, ziete hi Lalpa mite chuh ahiu a, gam apat hung pawt ahiu hi uo, a tih bek sek uh.

THUCHINGTE 28:21

Mi deihchuom neih hi a pha puoh a, gawlhgukna neucha ziekin mi’n thil diklo a hih sek ui.

1 LENGTE 21:4

Chun, Jezreel mi Naboth in zie bang thu chu a kawma a gen ziekin Ahab chu ngui tak leh lungkim lo takin a In ah a lut ta a. “ Ka pulepa te go hun pie thei puo’ng ka” a ti chak kêi ngâla. Tichun, a zâlkhun ah a kuol a, leh lam a nga a, an himhim a ne nuom ta puoh a.

2 SAMUEL 12:14

Amahvang, chuh zie na thilhih hin Pathien gensietna lemchâng tak Lalpa melmate dinga na bawl ziekin naupang nang apat a hung pieng chu thi ngêi ngêi ina,” a ti a.

THIEMPUDANTE 20:3

Kuole, a chate Molek kawma pie a, ka puon-In thiengtho hihbuok a, ka min thiengtho suminsie chuh, amah chuh kiheimang san ing ka ting, a mite laka apat satthak a um ding ahi.

THIEMPUDANTE 18:15

Na monu sangawnna chuh na hâwk ding ahi puoi; na chapa zi ahi a, a sangawnna chuh na hâwk ding ahi puoi.

THIEMPUDANTE 18:8

Na pa zi sangawnna na hâwk ding ahi puoi, zie chuh, na pa sangawnna ahi.

HOSEA 4:14

Na chanuteu in nawhchi a zuok u a, na moteu in zawl a saih un le gawt diek puo’ng ka. Nang haw ngêi le amau haw tawh nawhchizuok in na kipieu a, kithawihnate na lân khawm ngâl u a. Zieziekchun, ‘Hetna nei lote chuh mangthai ngêi ngêi ding ahiu hi.’

THIEMPUDANTE 18:21

Molek pathien hona dinga na chate na piek loh ding ahi; zie chun, Lalpa na Pathien min susie ding ahi ngâl a. Kei hi Lalpa chuh ka hi.

ISAI 3:14

Lalpa’n upate leh a mite chunga lawiupate chuh vaihawmna ah a hun pui a, “Grep huon susie chuh nanguh na hiu a; na Inteu chuh mi chagahte apat na thil lâkteu chun a dim hi!

ISAI 3:15

Ka mipite tuola tawh den a, mi chagahte maichang na gawih nêl u hi bang na tihnau ahi? Sepaihte Lalpa chun a tii.”

ISAI 10:1

Dan ningkitel um tak siem a, thupiek giksak tak ngaihtuoh dawkte haw, na chunguh a gik hi!

AMOS 5:11

Zieziekchun, mi gimtheite tawhden in a buh teu na lâksak u a: suong kisêk in In haw na sau a, himahleh, a sung ah cheng puo’n lau; grep huon nuom takin na bawl u a, himahleh, uain vang dâwn puo’n lau.