AMOS 2:5 - PATHIEN LEKHABU THIENGTHO (BSI)

⁵ Zieziek chun, Juda chunga chun mei sawl ing ka ting, Jerusalem khawpi chuh katum vek ina,” a ti a.

AMOS 2:5 ပူးပေါင်းရင်းမြစ်များ

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

JEREMIA 17:27

Himahleh, chawlhni nit thiengtho ding leh, chawlhni a puokgik puo lo a Jerusalem kulh kawtkhak a lutpih loh ding thu a ei ngaihthak loh u chun, a kulh kawtkhak haw chuh mei in ka’n tin, Jerusalem a leng In te chuh katum zo intin, mit ngei ta puo’n a.

JEREMIA 21:10

Lalpa chun hiti hin a tii: Zie khawpi phatna ding hilo, a sie lam in ka kiheimangsan tai. Babulon leng khut a piek hi’n tin, amah chun mei in hâl ina.”

JEREMIA 52:13

Chun, Lalpa In leh leng In mei in a hâla, Jerusalem a In chengcheng leh In thupi haw cheng chuh mei in a hâl ta a.

JEREMIA 39:8

Chun, Kaldai te chun leng In leh a mite In chuh mei in a hâl u a; Jerusalem kulh bâng haw chule a suchim vek tau hi.

2 LENGTE 25:9

Ho-In leh leng In te leh, Jerusalem a miliente chênna In chengcheng chu a hâl tum vek ta a;

AMOS 3:11

Zieziekchun, Lalpa’n hiti hin a tii. “Melmate chun a gam u chuh ûmkimvel un tin, a kulhpiteu leh a na kivenna dai chuh suchim vek un tin; na kulhpi dettak teu chuh buluh ding ahiu hi.” a ti a.

AMOS 3:15

Chun, phalbi In leh nipi inte chule khên sie’ng ka ting; saiha inte chuh mangthai intin, In lopite chule sukmangthai in um vek un au,” Lalpa’n a tii.

AMOS 7:4

Hitibang hin Lalpa Pathien chun ei etsak a: chun, en tiem u! Lalpa Pathien chun mei, a do dingin a sama; mei chun tui thuk lientak chuh a katum vek a, gam chule a kâng pan ta a.

AMOS 1:4

Khutichun, Leng Hazael in leng-In a sak chunga chun mei sawl ing ka ting, Benhadad kulhte chuh hâl chim ing ka.