AMOS 1:6 - PATHIEN LEKHABU THIENGTHO (BSI)

⁶ Lalpa chun hiti hin a tii, “Gaza khuo a mite chuh, a bawhsietnau thum ziekin ahi, li ziekin ka gawtna chuh suhai puo’ng ka; Nam pumpi chuh suok banga Edom mite kawma a zuok ziekun.

AMOS 1:6 ပူးပေါင်းရင်းမြစ်များ

AMOS 1:11

Lalpa chun hiti hin a tii, “Edom mite bawhsietna thum ziekin, ahi, li ziekin ka gawtna chuh suhai puo’ng ka. A suohpihteu Israel te chuh delh zinga, a chung u a zahngaihna himhim a suklat loh ziek un. A lungnatnau chun tâwp a nei puoh a, a thihsan ngeiloh ziekun.

2 KHANGTHUBU 28:18

Zie hun chun Philistia te chun thanglam pang tâng bula khawpi te leh simlam a Juda te chu a do u a. Beth Shemesh khawpi te a lau a, Aijalon leh Gederoth te leh Soko khawpi te, Timnah khuo te leh Gimzo leh a khawpelte a lau a, tak achun a cheng den tau a.

OBADIA 1:11

Muong taka na din ni a nam dang mite a kulh kawtkhaka a hung lut u a, Jerusalem hauhsaknate a kihawp lai u khan, nang le amau laka khat tawbang na hi kha.

AMOS 1:9

Lalpa chun hiti hin a tii, “Tura khuo bawhsietna thum ziekin ahi, li ziekin ka gawtna chuh suhai puo’ng ka. Nam pumpi chuh Edom gama sala a puih ziek un leh, chamna thutiem a siem uh a nit loh ziek un.

1 SAMUEL 6:17

Philistia te’n Lalpa kawma gitloh thawihna thilpiek dinga a piek uh sana âkngawn lim chu zie zah hih ahi: Ashdod khuo a dingin khat, Gaza khuo a dingin khat, Ashkelon khuo a dingin khat, Gath khuo a dingin khat, Ekron khuo a dingin khat:

JOEL 3:6

Juda chate leh Jerusalem chate le, a gamgiu apat a gamla taka na chawn mang theihna dingun Grik mite kawmah na zuok mang uh a.

EZEKIEL 35:5

“A bawhsietnau ka gawtna a sosan lai taka sietna a tuok lai u a, malai apat amau na hawtna zieka chemzâm thilhih theihna manga Israel chate thisan na suoh ziek khan,

ZEKARIA 9:5

Ashkelon khawpi chun zie chuh mu’n tin; lau ina. Gaza khawpi chun le mu’n tin, nasa takin thuok ina. Khutibang chun Ekron chun le mu’n tin, a kinepna cheng chuh muolphona hi’n tin, Gaza apat in leng chuh mangthai intin, Ashkelon chuh luoh loh a nutsieh in um ina.

AMOS 1:3

Lalpa chun hiti hin a tii; “Damaska khuo bawhsietna thum te ziekin ahi, li ziekin, a gawtna chuh suhai puo’ng ka; Gilead gam chuh buh gawihna thik haw a chuh a gawt ziekin.

JEREMIA 47:1

Pharao’n Gaza khawpi a buluh masang a Philistia mite chungchanga Lalpa thu thiemgau Jeremia kawma hung tung chuh:

NASEPTE 8:26

Chun, Lalpa vânsâwlchâk khatin Philip chuh a hopih a. “Kipan inla, simlam a Jerusalem khuo apat a Gaza khuo vak sun, lampi akhan chieh ah; zie lampi chuh gamgawa chiehpai ahi,” a ti a.

JOEL 3:4

“Nanguh Tura leh Sidon, nanguh Philistia gam chengcheng te haw, ka chunga phulak guo na hiu em? Ka chunga phulak guo na hih u leh vang kin takin na chung u ah phuba leh lak thuk ing ka.

AMOS 1:7

Khutichun, Gaza khawpi kulh bâng chunga chun mei sawl ing ka ting, tichun, a kulhte chuh katum zo ina.