AMOS 1:2 - PATHIEN LEKHABU THIENGTHO (BSI)

² Amos chun, “Lalpa chuh Zion tâng apat chun kiko intin, Jerusalem apat in a aw chu gi dawk intin; gancha tatna munte chuh gaw zo intin, tichun, Karmel tânga hampa haw chuh vuoi zo ina,” a ti a.

AMOS 1:2 ပူးပေါင်းရင်းမြစ်များ

JOEL 3:16

Lalpa chuh Zion tâng apat in kiko in tin; Jerusalem khuo apat in a aw suoh in tin; vante leh lei kilîng ina. Himahlele, Lalpa chuh a mite dingin kihumbitna hi’n tin; Israel suonte dingin kulh insang hi’n a.

JEREMIA 25:30

“Zieziekchun, a chungu ah ziehi gen inla, a kawm u ah hiti hin ti’n; ‘Lalpa chuh chunglam a kipat hung kiko intin, a chênna Mun thiengtho pat chun a aw suoh ina, A huongsung ah ngeih tak in kiko in tin, grep chilte guolin kiko in tin; tichun, leia mitin cheng chun za’n au!

AMOS 9:3

Karmel tângsip ah kisel mahleu le, hawl ka ting, zie apat chun amau haw ladawk ka ting, chun, Tuisuohgiet lituong ah ka mitmuh loh dingin kisel mahleu le, zie taka gûl chuh thu pie’ng ka ting, amau haw chuh a na chu’na.

JEREMIA 12:4

Gam chun bang chan a a sun ding? A sunga chêngte gitloh zieka gamsung a thaichi te chuh vuoi mai ding maw? Gamsate chuh a mangthai zo u a, chung leng vachate le; mite chun I hun nunung lam u chuh mu puo’n au, a tih ziekun.

ISAI 42:13

Lalpa chuh sepaih hattak guolin, galdo dingin a pawt a; kido dinga kisazo leh ngaklah takin, kidona aw leh, gâl thawmte suohdawk in, a melmate chunga chun a thilhih theihna a latsak ta a.

NAHUM 1:4

Tuipi chuh kang dingin thu a pie a! luipite chuh a luon kang sak a. Bashan gama lote chuh a chultha ta a, Karmel tângte chuh a ngui zo ta a; Lebanon tânga pakchate chuh a vuoi zo hi.

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

HOSEA 13:8

Savawm a no cha’n guolin hun suol ing ka ting, hun luoi zak ing ka. Zie nung chu leh, sakeibaknei bangin a mun ah hun ne zo ing ka ting, gamsa guolin luoi tel dik dek ing ka.

JEREMIA 50:19

Tichun, Israel chuh a chênna mun achun puikit ing ka ting, Kannel leh Bashan achun cheng untin uh, Ephraim leh Gilead achun amah chuh ta viel ina.

JEREMIA 14:2

Juda chun a sun a, a kulh kawtkhakte chule a ngui a. Leituol ah a puon vawm uh khu’n a chuu a, Jerusalem kah thawm chuh a chieh to tai.

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 33:9

Gam chuh a kap in a chul zo ta a; Lebanon gammâng chuh zakcha’n a vuoi ta a, Sharon phaicham chuh gamgaw a suok ta a, Bashan leh Karmel chun a nah hing cheng a thingtha zo tai!

THUCHINGTE 20:2

Leng lungnatna chuh sakeibaknei kitum tawbang ahi a, kuole, a sulungna taphawt chun a hinna chan ina.

1 SAMUEL 25:2

Chun, Maon khuo achun mi khat a um a, a khawsakna chu Karmel tângah ahi; mi hausa tak ahi a, belam sang thum leh kelcha sang khat a nei a Karmel tâng achun a belam mul a met sek a.

SAM LEHKHABU THE PSALMS 46:6

Namtin cheng chuh a kichawk u a, lal gam haw chuh a kilîng a A mah chun a aw a suoh a, lei chung hi ahung tuimang zo ta a.

JEREMIA 28:8

Kei leh nang masanga thiemgaute chun gam tamtak chungah kidonate, thil phalo leh, hipite thu a gen sek uh a.

HOSEA 11:10

“Lalpa chuh zui un tin, sakeibaknei banga ngîk ding chuh: ahi, hun ngîk ngêi intin, chun, tumlam apat in a chate chuh hung tai duom duom un au.

JOEL 1:19

Aw Lalpa, ka hun sam hi, gamsung a hamhing mun haw chuh mei in a katum zo ta a; meikuong chun gam laka thing haw cheng chuh a kâng thieng tai.

SAM LEHKHABU THE PSALMS 29:4

Lalpa Aw chuh thilhih thei tak ahi a; Lalpa aw chuh lopi na a dim ahi.