3 JOHAN 1:5 - PATHIEN LEKHABU THIENGTHO (BSI)

⁵ Deihtak, suohpihte chuh malzin himahleu le a chung u a na thilhih chengah taksan um takin na hih seka.

3 JOHAN 1:5 ပူးပေါင်းရင်းမြစ်များ

GALATI 6:10

Khutichun, hunlemchang I neih dungzui zel un, mi chengcheng chungah thilpha hih hitiu; taksanna a I inkawteu chungah hih deuh pên hitiu.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

LUKE 12:42

Lalpa’n a dâwng a, “Suok ginum tak leh ching tak, a pu’n a in sung thilte chunga lawiupa leh, a an chan dinguh hawp sak dinga a siem chuh kuo pên ahi die leh?

MATTHAI 24:45

“Kuo pên ahi ding u leh, suok taksanum leh ching, a pu’n a phat chenga a an chanvo dinguh hawp sak dinga a inkawte chunga lawiupa a a kawih chuh?

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

ROME 12:13

Na thil neihteu chuh, na unau tasamte kikawppih unla; malzinte lawp dân thiem takin um zingun.

HEBRAI 13:2

Malzin bawlphat ding hengilh kiu in. Khutibang phatna apat chun, a bangin, hetloh hielin vânsâwlchâk tunsak a na hi kha thei sek uh ahi.

3 JOHAN 1:3

Suohpihte, mi khenkhat a hung u a, thutak thu a na taksanum zieu, malai a thutak a na hin bang u a na umdan teu ei hung hilh phet un ka kipâk mah mah mai hi.

3 JOHAN 1:10

Zieziekchun, ka hung tieng leh a thilhih haw ka geldawk sakkit ding ahi. Ka chanchin uh sie taka gen dân te leh lepchieh a gen thute khah! Zie mai chule hun a sa puoh a, suohpihte a hung tieng u lele, ana lawp puo’n tin, a lawp nuomte nasan chuh zadah intin, Sapchuom apat nawhdawk guo ding ahi.

MATTHAI 25:16

Tichun, talent nga vawppa chuh zie chun a kivei pai zieng a; talent nga mah a vei dawk a.