3 JOHAN 1:10 - PATHIEN LEKHABU THIENGTHO (BSI)

¹⁰ Zieziekchun, ka hung tieng leh a thilhih haw ka geldawk sakkit ding ahi. Ka chanchin uh sie taka gen dân te leh lepchieh a gen thute khah! Zie mai chule hun a sa puoh a, suohpihte a hung tieng u lele, ana lawp puo’n tin, a lawp nuomte nasan chuh zadah intin, Sapchuom apat nawhdawk guo ding ahi.

3 JOHAN 1:10 ပူးပေါင်းရင်းမြစ်များ

THUCHINGTE 10:10

Thudik selgu mi chun buoina a tun a, himahleh, langchang taka hilhgaihna chun chamna a siem sek.

THUCHINGTE 10:8

Mipil chun thupiek chuh khawksak intin, himahleh, mi ngawl mûk lepchieh vang chuh sietna ahi.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

JOHAN 9:22

Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

2 KORINTH 13:2

Na lak uh a tuma sanga na gilote leh, mi dangte kawmah ka hun gen nuom ahi; ziehi, na kawm u a ka hung, a nih veina khan ka gen ta a; hilele, tu a na kawm u a ka um loh lai hin le hun gen kit ing ka: ka hungkit tak le chuh, kuomah cha, gawtna apat suokcha lo ding ahi.

GALATI 6:10

Khutichun, hunlemchang I neih dungzui zel un, mi chengcheng chungah thilpha hih hitiu; taksanna a I inkawteu chungah hih deuh pên hitiu.

1 TIMOTHE 5:13

Zielo chun le, In tina vak lawn viel in, a hih loh ding piu thilhih in, thatdah leh mawk holim a pan sek ui.

2 JOHAN 1:10

Kuole, zie sinsakna thu chuh hun keng lo in, na kawm u ah hung leu, na In u ah tun sak kiu inla, “Na chunguh ah lungmuonna um hen,” ti’n a kawm u ah gen diek kiu.

2 JOHAN 1:12

Na kawm u ah thu tamtak gen ding ka neih ziekin, lehkha leh lehkhatui maia zik ka nuom puoi; ka lawp uh a bukim theihna dingin, na kawmuh a hung a, kimaichangtuoh a holim ka kinep zawk ahi.

3 JOHAN 1:3

Suohpihte, mi khenkhat a hung u a, thutak thu a na taksanum zieu, malai a thutak a na hin bang u a na umdan teu ei hung hilh phet un ka kipâk mah mah mai hi.

3 JOHAN 1:5

Deihtak, suohpihte chuh malzin himahleu le a chung u a na thilhih chengah taksan um takin na hih seka.