2 SAMUEL 8:6 - PATHIEN LEKHABU THIENGTHO (BSI)

⁶ Khutichun David chun Suria gama Damaska achun sepaih a kawih a; tichun Suria mite chu David khuoletui a hung hi tau a, sieh a pie sek u a. Chun, Lalpa’n David chu a chiehna tak ah a zawh sak zel a.

2 SAMUEL 8:6 ပူးပေါင်းရင်းမြစ်များ

2 SAMUEL 8:14

Chun, Edom-achun sepaih a kawih a; Edom mun gam chengah sepaih a kawih sausau a, tichun Edom mite chengcheng chu David khuoletui a hung hi tau a. Tichun Lalpa’n David chu a chiehna chengah a zawh sak zel ta a.

SAM LEHKHABU THE PSALMS 140:7

Aw Pathien, ka Lalpa, ka Hukdampa hât, Nang chun kido ni achun ka luchang nei khuh sek a.

2 KHANGTHUBU 17:2

Chun, Juda gama kulh nei khuo chengcheng ah sepaih te a kawih a: Juda gam leh a pa Asa’n a na lak Ephraim gama khuo haw achun gâl veng mite a kawih a.

2 SAMUEL 7:9

Chun, na chiehna tak ah na kawmah ka um zel a, na masang achun na melmate ka hih mangthai zel a; leia mi lopi takte min bang min lopi tak hun putsak ing ka.

THUCHINGTE 21:31

Sakawlte chuh kido ni a dinga guonggalh ahiu a, himahleh zawhna vang chuh Lalpa a um ahi.

1 KHANGTHUBU 18:13

Tichun, Edom gam achun sepaihte a kawih a, tichun, Edom mite chengcheng chu David mite a hung hi tau a. Lalpa’n David chu, a chiehna chengah a zawh sak zel a,

2 SAMUEL 23:14

Chun, khutih lai chun David chu kulh sung ah a um a, zie hun lai mah chun Philistia sepaih haw chu Bethlehem ah a um u a.

2 SAMUEL 8:2

Chun, Moab mite a do kit a, amau haw chu tuol ah a kuol sak a, a guol tuok diem a; tien nih chu thah dingin a guola, tien khat chu a hinga hawih dingin a guol a. Tichun Moab mite chu David khuoletui a hung hi tau a, sieh a pie sek tau a.

2 SAMUEL 3:18

Tuhin siem tau in; Lalpa’n David chungchâng thu a chun, ‘Ka suok David khut in ka mi Israel te chu Philistia mite khut apat leh a melmateu chengcheng khut apat hukdawk ing ka,’ ti’n a gen hi,” ti’n.

1 SAMUEL 14:15

Chun, sepaih panmun a umte, mun zânga umte leh mipite chengcheng chu a mawk lauh tau a; chun, gâlveng sepaihte leh lamthamte nasan chule a kithing u a; lei a lîng a; khutichun mawk lauhna nasatak ahung hi ta a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

1 SAMUEL 14:1

Chun, hiti hi ahi a, ni khat chu Saul chapa Jonathan chun a gâlvan chawipa tangval kawm achun, “Hung tie, gal lehlam a Philistia sepaihte panmun akhun va chieh dii ti,” a ti a. Himahlele a pa chu a hilh puoh a.

1 SAMUEL 13:3

Chun Jonathan chun Geba a Philistia sepaihte chu a do a; chun Philistia te chun a hun he tau a. Tichun Saul chun “Hebraite khan heu hen,” ti’n gamsung chengcheng achun pengkun a mût viel saka.

2 SAMUEL 8:7

Chun, David chun Hadadezer miliente sana phaw haw chu a lâksak a, Jerusalem ah a puoh a.

2 SAMUEL 10:19

Khutichun Hadadezer nuoia um leng chengcheng ten Israel te masangah a chan uh a sie tai tih a hun het phet un; Israel te tawh kichamna a siem u a, a na sem in a um tau a. Khutichun Suria mite chun Amon suonte chu a panpih ngam ta puou hi.

1 LENGTE 4:21

Tichun Solomon in lui apat in Philistia te haw gam leh Aigupta gamgi tiengin, gam chengcheng chungah vai a hawm a; kipahman te a hun chawi sek u a, Solomon damsung chengcheng chun a na a sem sek ui.

2 SAMUEL 5:10

Tichun David chu a hung hât deuh deuh ta a, Lalpa sepaihte Pathien chu a kawma a um zel ziekin.

2 LENGTE 1:1

Chun, Israel leng Ahab thih nung in, Moab te chu Israel te chungah a hel tau a.

2 LENGTE 3:4

Moab leng Mesha chu belam vulh mi a hi a; amah chun Israel leng kawmah belamno nuoi khat leh belamchal nuoi khat mul haw chu zie hin a pie sek a.

2 LENGTE 14:28

Tichun, Jeroboam nihna chanchin dangte, a hansan dante, a thilhih theih zie te, a galdo thute, tuma lama Juda gam hi sek Damaska leh Hamath khuo, Israel te dinga a na lâksak kit dân thu te chu, Israel lengte vaihawm lai thu zikna bu ah a kizik vek a.

2 LENGTE 18:7

Tichun, Lalpa chu a kawmah a um a, a thilhih taphawt ah a lamzang zel a, Asuria leng chungah a kiphin a, a kawma kipiek ding chu a ut lo ahi.

SAM LEHKHABU THE PSALMS 60:10

Aw Pathien, nangmah mawng in nei paih dawk hilo ahim? Aw Pathien, ka Sepaihteu kieng a la na chieh puoh ngâla.