2 SAMUEL 7:9 - PATHIEN LEKHABU THIENGTHO (BSI)

⁹ Chun, na chiehna tak ah na kawmah ka um zel a, na masang achun na melmate ka hih mangthai zel a; leia mi lopi takte min bang min lopi tak hun putsak ing ka.

2 SAMUEL 7:9 ပူးပေါင်းရင်းမြစ်များ

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

2 SAMUEL 22:1

Chun, David chun a melmate chengcheng khuta pat leh Saul khut apat Lalpa’n a hukdawk ni chun zie la hi Lalpa kawmah a sa a:

2 SAMUEL 22:30

Ka melmate do na dingin hatna nei pie a; A kulhteu suksietna dingin thil hihtheihna nei pie ngâla.

2 SAMUEL 22:43

Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

2 SAMUEL 23:1

Jessai chapa David chu Pathien in mi thupi takin a siem a; Jakob Pathien chun leng dingin a tel a, Israel chate dingin la hawihtak tak a phuok a. Ziehaw hi David thugen nunung pên te chu ahi.

2 SAMUEL 5:10

Tichun David chu a hung hât deuh deuh ta a, Lalpa sepaihte Pathien chu a kawma a um zel ziekin.

2 SAMUEL 8:13

Chun, David chun Chi Guom kiti muna Suria mi singkhat leh sanggiet a thah zawh a a hungkit chun a min a hung thang ta a.

2 SAMUEL 8:14

Chun, Edom-achun sepaih a kawih a; Edom mun gam chengah sepaih a kawih sausau a, tichun Edom mite chengcheng chu David khuoletui a hung hi tau a. Tichun Lalpa’n David chu a chiehna chengah a zawh sak zel ta a.

2 SAMUEL 8:6

Khutichun David chun Suria gama Damaska achun sepaih a kawih a; tichun Suria mite chu David khuoletui a hung hi tau a, sieh a pie sek u a. Chun, Lalpa’n David chu a chiehna tak ah a zawh sak zel a.

1 KHANGTHUBU 17:8

Na chiehna tak ah na kawmah ka um zel a, na melmate ka hun zawh sak a; leia mi lopi takte bangin min lopitak hun siem sak ding ka hi.

SAM LEHKHABU THE PSALMS 21:6

Kumlekhuo a din vangsakna nasatak mun na siem sak ngâl a. Na ma ah lawpna’n na sukipak ngâla.

SAM LEHKHABU THE PSALMS 89:23

A melmate chuh a masangah sunel ing ka ting, Amah mudah te chuh khen pai ing ka.

LUKE 1:52

Leng lopi takte chuh a lalchutphah uh apat chun a luoi tha a, dinmun niemte chuh a chawisâng ta a.

JOSHUA 6:27

Khutichun Lalpa chuh Joshua kawmah a um a; chun, a gam pumpi achun a min a hung thang ta a.

1 SAMUEL 18:14

Chun, David chu a thilhih ta phawt ah a lawhting mah mah a, a kawma Lalpa a um ziekin.

1 SAMUEL 18:30

Khutichun, Philistia miliente chu kido dingin ahung kipan sek u a; chun, hiti hi ahi a, a hung kipat cheng u leh Saul suokte chengcheng sangin David chu a lawhting zaw sek a; khutichun a min chu ngaihsan mah mah a hung hi ta a.

1 SAMUEL 2:8

Leivui apat in gimthei chu a kaitho seka; Mi chagah chu gimtheihna apat a dawm kâng sek; Miliente laka um a, Lopina lalchutphah a luoh theihna ding un: Lei kingakna chu Lalpa a ahi a, Khawvel chu a chungah a nga ta ngâla.

1 SAMUEL 31:6

Khutichun, Saul leh a chapa thum te leh a gâlvan puo-pa leh a mite chengcheng chu zie ni ngêi chun a thi khawm tau hi.

1 SAMUEL 5:10

Khutichun Pathien bawm chu Ekron ah a thak dawk tau a, a vatun phetin Ekron khuo mite chu “Israel te Pathien bawm chu eihaw leh I miteu sulum dingin I kawm u ah ahun puo tau hi” ti’n Ekron khuo a mite chu a kiko zak tau a.