2 SAMUEL 7:24 - PATHIEN LEKHABU THIENGTHO (BSI)

²⁴ Khutichun na mi Israel te chu kumlekhuo a na mi a hung hihtheihna dingun nanga dingin na hihdet ta a; chun, Lalpa, nang chu a Pathien uh na hung hita a.

2 SAMUEL 7:24 ပူးပေါင်းရင်းမြစ်များ

DAN NIHNA 26:18

Chun, tuni hin a hun tiem guol khan, a thupiek chengcheng te zuia, amah a chuom hi ding leh,

1 PETER 2:10

Ma khan, Pathien mi na hi puou a, tuhin chuh, a mite na hung hi tau a; makhan chuh, Pathien zahngaihna na mu puou a, tuhin chuh, Pathien hehpihna na mu ta ngâl uh a.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

SAM LEHKHABU THE PSALMS 48:14

Zie hi Pathien ahi a, kumlekhuo a I Pathien uh ahi ngâla: Thih tieng nasana ei puipa hi’n a, tih na hilh theih na dingun.

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

JEREMIA 32:38

Chun, ka mite hiu untin, kei a Pathien uh hing ka ting,

JEREMIA 31:1

Lalpa chun, “Zie tieng chuleh, Israel insung dingin a Pathien uh hing ka ting, amau haw chuh ka mite hi ta’n au.

1 KHANGTHUBU 17:22

Na mi Israel te chu, kumlekhuo a na mite dingin na siem ta ngâl a; tichun, Nang Lalpa chu a Pathien uh na hung hi ta a.

2 SAMUEL 7:23

Aigupta gam apat leh namtin leh a pathienteu lak apat nang ding a na teldawk, na mite masanga nang dinga thil lopi tak leh na gama dinga thil lauh-um tak hih ding leh, amah min lopi tak siem dinga Pathien in amah,” mite dinga a hun teldawk, na mi Israel te bang hi khawvel ahin nam dang kuo a um?

DAN NIHNA 27:9

Chun, Mosi leh thiempu Levi te chun Israel te chengcheng kawm achun, “Aw Israel mite haw, thipkêi in um unla, ngaitiem u! Tuni hin Lalpa na Pathien u mite na hung hitau a.

PAWTDAWKNA 15:2

Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

PAWTDAWKNA 6:7

Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

THILSIEMBUL 17:8

Chun, nang leh na nunga na suonte kawm achun na malzinna gam Kanaan gam chengcheng hi kumkhuo go dingin hun pie’ng ka ting; chun, Kei hi a Pathien uh hi’ng ka,” a ti a.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

2 SAMUEL 7:25

“Tichun aw Lalpa Pathien, na suok chungchâng thu leh a inkawte chungchâng thu na gen chu kumlekhuo a dingin hihdet inla, na gen tâksa bang khan hih in.