2 SAMUEL 7:22 - PATHIEN LEKHABU THIENGTHO (BSI)

²² Zieziekchun Aw Lalpa Pathien, nang chu na lopi a, ka bil u a ka zak dân un nang tawbang himhim a um puou a, Nangmah lo ngâl Pathien dang himhim le a um puou hi.

2 SAMUEL 7:22 ပူးပေါင်းရင်းမြစ်များ

SAM LEHKHABU THE PSALMS 86:10

Nang chuh na lopi a, thilmak le na hih ngâla; Nang maicha hi Pathien na hi.

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

1 KHANGTHUBU 16:25

Lalpa chu a lopi a, nasa taka pahchak tâk pên ahi ngâla; pathien chengcheng sanga zah ding ahi.

ISAI 45:5

“Kei hi Lalpa ka hi a, Pathien dang himhim a um puoi; nangin ei helo mah leh chin le, hatna hun pie ding ka hi.

DAN NIHNA 3:24

“Aw Lalpa Pathien, na suok hi na lopina leh na khut hât chuh na muhsak pan ta a; lei leh van a le, na thilhih haw tawbang leh na thilhih thupi tak tawbang hih thei bang pathien a um?

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

SAM LEHKHABU THE PSALMS 96:4

Lalpa chuh a lopi a, nasa taka pahchak ding ahi; Amah chuh pathien chengcheng sanga kihchak ding ahi.

DAN NIHNA 4:35

Lalpa chuh Pathien ahi tih na het theihna dingun na kawm u a suklat ahi a; amah tih loh adang himhim a um puoi.

ISAI 40:18

Aleh, Pathien chuh kuo tawh na tehkal ta dingu? a hihloh leh, bang tawbang lim tawh na tehkal ding u?

SAM LEHKHABU THE PSALMS 48:1

Lalpa chuh a lopi a, nasa taka pahchak ding ahi. I Pathien uh khawpi ah, a tâng thiengtho achun

SAM LEHKHABU THE PSALMS 145:3

Lalpa chuh a lopi a, nasa taka pahchak ding ahi; A lopi zie chuh sutdawk ding guol ahi puoi.

SAM LEHKHABU THE PSALMS 135:5

Lalpa chuh lopi tak ahi tih leh, Lalpa chuh Pathien chengcheng sang in a chungnung zawi tih ka he ngâl a.

SAM LEHKHABU THE PSALMS 44:1

Aw Pathien ni dang lai a na thilhih haw kha ei suonteu in a damlai un ei hilh u a, ka nakhang un ka zau a.

EZEKIEL 36:22

“Zieziekchun, Israel inkuon kawma chun hiti hin ti’n: Lalpa Pathien chun hiti hin a tii: Aw Israel inkuonte haw, nang haw ka hun khawksak ziek hilo in, namte laka na chiehna lam cheng u a na gensiet uh ka min thiengtho ka ngaihkhawk ziek zawa ziehi ka hih ahi.

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

ISAI 45:18

Lalpa chun vante hi a siem a, amah chuh Pathien ngêi chuh a hi! Leisiet hi a siem a, a din a, a hihdet a. Mawk um mai dingin a siem puoh a, mihingte chênna dinga a siem ahi. Amah chun, “Kei hi Lalpa chuh ka hi a, Pathien dang himhim a um puoi, a ti a.

ISAI 40:25

Pathien Thiengtho chuh kuo tawh ahim, tehkal theih ding? Amah bang hi kuo a um?

2 KHANGTHUBU 2:5

Ka temple sak guot hi lopi tak ahi a, I Pathien u hi Pathien dang chengcheng sang a lopi zaw ahi.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

EZEKIEL 36:32

Nang haw zieka ziehi hih ka hi puoi tih hi heu in, Lalpa Pathien chun a tii. Aw Israel inkawte, haw. na umdan ziekun zakchau inla, khunchak zieng un!”

PAWTDAWKNA 10:2

Chun, Aigupta te chunga ka thilhih dân haw leh a lak u a ka thilmak hihhaw hi na chapateu leh na chapate chate zaka na gen ding ahi; kei hi Lalpa chuh ka hi tih na hettheih na dingun,” a ti a.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

DANIEL 2:45

Tang apat a suong, kuomah khawih loh a kilik in, thikte, sum-engte, tungte, dangkaguote leh sana te a sukgawp na muh bang mah khan; Pathien lopi tak chun leng kawma hin tunung a thil hung um dingte a phuon ahi: na mang chuh a tak ngêi ahi a, a hilhchetna chu le a dik ngêi ahi,” a ti a.

PAWTDAWKNA 8:6

Khutichun, Aron chun Aigupta gama lui chunghaw achun a khut a zak a; tichun ukeng haw chuh a hung pawt u a, Aigupta gam a dâp suok tau a.

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.

2 SAMUEL 22:32

Lalpa hilo Pathien chu kuo ahim? I Pathien uh lo chu kuo a Suongpi um?