2 SAMUEL 7:16 - PATHIEN LEKHABU THIENGTHO (BSI)

¹⁶ Chun, na inkuon leh na gam chu kumlekhuo a hihdet hi’n tin, na lalchutphah chule kumlekhuo a hihdet hiding ahi,’ a tii,” ti’n Lalpa thu ahung tung a.

2 SAMUEL 7:16 ပူးပေါင်းရင်းမြစ်များ

2 SAMUEL 7:13

Amah chun keia dingin Ho-In sa’n tin, a lalchutphah chu kumlekhuo a dingin hih det ing ka.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

SAM LEHKHABU THE PSALMS 45:6

Aw Pathien, na lalchutphah chuh kumlekhuo’n um ding ahi: na lal tiengkhut chuh uoh chuom neih loh na lal tiengkhut ahi.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

HEBRAI 1:8

Chapa chungchâng thu achun Pathien in ziehi a gen a hii: “Aw Pathien, na Lalgam chuh kumkhuotuong a um ding ahi; Dikna leng tiengkhut chule Na gam leng tiengkhut chuh ahi ngâl a,

JOHAN 12:34

Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

2 LENGTE 19:34

Keimah ziekin leh, ka suok David ziekin, zie khawpi hi humbit dingin, veng ding ka hi,’ Lalpa’n a tii,” ti’n, mi a sawl a.

SAM LEHKHABU THE PSALMS 72:5

Amah chun nisa a um lai chan in hun lau untin, Thapi a det lai chan khang chengcheng tiengin hun ho zing ta’n au.

MATTHAI 16:18

Chun, nang Peter, Peter na hi tih ka hun hilh na hi; zie suongpi chunga hin ka sapchuomte sa dawk ing ka ting, mithi khuo kulh kawtkhakhaw chun zie chuh nek zo puo’n au

1 SAMUEL 25:28

Na suoknu gitlohna hi lungsiet takin ngaidam in: Lalpa’n ka lalpa chu insung dettak tundin sak ngêi ngêi intin, ka lalpa chu Lalpa kidona dopih ahi ngâl a; na damsung chengin nang ah gitlohna muh ding um puo’n a.

2 SAMUEL 7:17

Zie thu haw chengcheng bang chuleh zie kilâkna bang tak chun Nathan chun David kawmah a gen a.

1 LENGTE 9:5

Israel te chung ahin na lalgam lalchutphah chu kumlekhuo’n hihdet ing ka; na pa David kawma, ‘Israel te lalchutphah a chu ding mi kitasam puo’n la,’ ti a ka na tiemsa bang khan.

SAM LEHKHABU THE PSALMS 89:4

Na suonte chu kumlekhuo a dingin sudet ing ka ting, Na lalchutphah le khang chengcheng tieng in lemto ing ka.” Selah

JEREMIA 17:25

Zie khawpi kulh kawtkhak ahin lengte leh vaihawmte, David chutphah a chu ding chuh kangtalaite leh sakawlteu a chuong in hunglut untin, amau haw leh a vaihawmteu, Juda mite leh Jerusalem a cheng te tawh; tichun zie khawpi ahin mi tamtak cheng den tan au.

JEREMIA 33:17

Lalpa chun hiti hin a tii: David chuh Israel inkuon lalchutphah a chu ding mi tasam in um ngei puo’n a.

2 SAMUEL 22:51

Amah chu lengpa a dingin hukdamna In sang ahi a: A thau nuh chungah, David leh a suonte chung ngêi achun, kumlekhuo’n a lungsietna hihlang ina, a ti a.

1 LENGTE 2:4

Lalpa’n ka chungchâng thu ah, ‘Na suonte’n a lunggil tak u leh, a ngaihtuohnau a ka mitmuh a thutak a um dinga a umdan u a a chittheih, u chun, Israel te lalchutphah a chu ding kitasam puo’n la,’ ti a a gen kha hihdet ding ahi.

2 LENGTE 8:19

himahlele, a suokpa kawma, a suonte’n vaihawm zel ding ahiu ui ti a, a thutiem ziekin, Lalpa’n Juda gam chu a susie nuom puoh a.

2 KHANGTHUBU 6:16

Khutichun aw Lalpa, Israel te Pathien, na suok ka pa David kawmah Na suonte nang um banga um dingin a umdan u a a chittheih phawt u chun, ka mitmuh a Israel te lalchutphah a chu ding chu kitasam puo’n la, ti a na tiem kha guitun sak in.

JOB LEHKHABU THE BOOK OF JOB 36:7

Mi diktatte apat chun a mit a heimang kha puoh a, Lalchutphah a lengte kawmah kumlekhuo’n a chut sak a, Limbawl in a um zaw sek ui.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

EZEKIEL 37:25

Na pileputeu ana chênna. ka suok Jakob kawma ka piek gam achun cheng intin un: zie tak achun kumkhuo’n cheng un tin, amau leh a chateu, a chateu chate le: ka suok David chuh kumkhuo’n a leng uh hizing ta’n a.