2 SAMUEL 5:3 - PATHIEN LEKHABU THIENGTHO (BSI)

³ Khutichun Israel upa chengcheng chu Hebron ah David kawm achun a chieh u a; chun leng David chun Hebron achun Lalpa masangah a kawm u ah thu a gawlh a: tichun David chu Israel te chunga leng hi dingin sathau a nuh tau a.

2 SAMUEL 5:3 ပူးပေါင်းရင်းမြစ်များ

2 SAMUEL 2:4

Chun, Juda gama umte Hebron a chun a va chieh u a, Juda mite chunga leng hi dingin David chu sathau a nuh tau a. Khutichun, “Saul vuite chu Jabesh-gilead mite ahiu hi,” ti’n David chu a hilh u a.

2 SAMUEL 2:7

Khutichun, hât tak leh hangsan takin um un: na puu Saul chu a thi ta ngâl a, Juda namte chun a chung u a leng dingin thau ei nuh ta ngâl u a,” a ti a.

2 SAMUEL 3:21

Abner chun David kawmah, “Kipan ing ka ting, na kawma thu a gawlh theihna dingun leh na duhthusam bang taka vai na hawm theihna dingin Israel mite chengcheng ka lalpa kawma kaikhawm dingin chieh ing ka,” a ti a. Chun, David chun Abner chu a chieh sak ta a: tichun thamuong takin a chieh ta a.

1 LENGTE 1:34

Chun, thiempu Zadok leh thiemgau Nathan in Israel te leng dingin sathau nuh u hen. Chun, pengkun mût unla, ‘Leng Solomon damsawt hen,’ tiu in, a ti a.

2 LENGTE 11:17

Chun, Jehoiada chun leng Joash leh mipite chu Lalpa mite a hih theihna dingun, Lalpa tawh a kal u ah thugawlh a siem sak a. Leng leh mipite kal achun le a siem sak a.

1 KHANGTHUBU 11:1

Khutichun, Israel te chengcheng chu, Hebron ah, David kawmah a kikhawm u a, “Nangmah mi leh sa, na thisan kizawppihte ka hiu hi.

1 KHANGTHUBU 11:3

Tichun, Israel upa chengcheng chu Hebron a leng kawm achun a chieh u a; chun, David in, Hebron a chun Lalpa masangah, a kawm u ah thu a gawlh a; tichun, Lalpa’n Samuel manga a gen bang khan, David chu Israel te leng dingin sathau a nuh tau a.

1 KHANGTHUBU 28:4

Himahlele, Lalpa Israel te Pathien in, ka pa inkawte chengcheng lak apat, Israel te lenga kumlekhuo a um dingin ei na tel ta a; Juda nam chu mapui dingin a na tel a; Juda namte laka ka pa inkawte; ka pa chapate lak apat Israel chengcheng leng hi dingin a na teldawk chuom ta a.

2 KHANGTHUBU 23:16

Thiempu Jehoiada chun leng Joash leh mipite chu Lalpa mipi te hi dinga thugawlh siemna a pang dingin a sam khawm ta a

NEHEMIA 9:38

Chun, zie thu haw chengcheng ziek chun thugawlh dettak ka siem u a, ka zik thau a; ka milienteu leh Levi chite leh thiempute chun ei namdet pih u a, ti’n.

PAWTDAWKNA 3:16

Chun, chieh inla, Israel upahaw samkhawm inla, tichun a kawm u ah, ‘Lalpa nang uh hun suonte Pathien, Abraham Pathien, Isak Pathien, Jakob Pathien chuh na kawm u ah a hung kilak ta a, Aigupta gama na chung u a a hih zieu haw hi ka mu tai’ a tii, ti’n gen in, a ti a.

JOSHUA 10:36

Zie nung chun, Joshua chuh Israel te chengcheng chu tawh Eglon khuo apat in Hebron khuo lam ah a chieh to u a; a do tau a;

VAIHAWMTE 11:11

Khutichun, Jeptha chuh Gilead upate kawm achun a chieh ta a. Gilead mipite chun a luchang ding u leh a lawiupa dingun a na siem tau a. Chun, Jeptha chun Mizpah khuo a Lalpa masang ah a thu chengcheng chuh a gen dawk ta a.

1 SAMUEL 11:15

Khutichun mipi chengcheng chu Gilgal achun a chieh tau a; Saul chu Gilgal achun Lalpa ma ah leng in a siem: tau a; zie tak achun Lalpa ma ah chamna kithawihnate a pieu a; tichun zie chun Saul leh Israel mite chengcheng chu a kipâk mah mah mai tau hi.

1 SAMUEL 16:13

Khutichun Samuel chun sathau bawm saki chu a la a, a suohpihte laka chun sathau a nuh a; tichun zie ni apat chun Lalpa Thagau chu David chungah nasatak in ahung tung ta a. Khutichun Samuel chu a kipan a, Ramah khuo ah a chieh ta a.

1 SAMUEL 23:18

Khutichun, a nih u chun Lalpa ma ah thugawlh a siem u a. David chu Horesh ah a um zing ta a, Jonathan chu In lam ah a chieh kit ta a.