2 SAMUEL 5:11 - PATHIEN LEKHABU THIENGTHO (BSI)

¹¹ Chun, Tura leng Hiram chun David kawmah palai a sawl a, sidar thingte a thak a, khutthiemte leh suong sek thiemte le a sawl a, David In ding a sak sak u a.

2 SAMUEL 5:11 ပူးပေါင်းရင်းမြစ်များ

2 SAMUEL 5:12

Chun, David chun Lalpa’n Israel mite chunga leng dingin amah chu a hihdet in, a mi Israel te ziekin gam chu a limbawl hi tih chu a he ta a.

2 SAMUEL 7:1

Chun, hiti hi ahi a, leng David chu a In ah a um a, Lalpa’n a kieng vel a melma chengcheng lak apat chun gâlmuong in a um sak ta a.

2 SAMUEL 7:2

Chun, leng chun thiemgau Nathan kawmah, “Entie, kei chu sidar thinga kisa In ah ka cheng a, himahlele Pathien Thuthunna bawm chu puon-In sung ah a um a,” a ti a.

1 LENGTE 5:15

Chun, Solomon chun van puo mi singsagih leh suong sek a pang mi singgiet tânghaw achun a kawih hi.

1 LENGTE 5:18

Khutichun Solomon In sate leh Hiram In sate leh Gebal mite chun suonghaw chu a sek u a, In sakna ding chun thing leh suonghaw chu a guonggalh ui.

1 KHANGTHUBU 14:1

Chun, Tura leng Hiram chun David kawmah mi a sawl a, Sidar thingte a puok saka, suong sekte leh khutthiemte chu David In sa dingin a sawl sak a.

EZRA 3:7

Suong sêkte leh khutthiemte kawm achun paisa a pieu a, chun, Persia leng Kura phalna dungzui in sidar thing Lebanon apat tuisuohgiet pang Joppa tienga la dingin Zidon mite leh Tura mite chuh nek ding leh dâwn ding te, sathau te a pieu a.

SAM LEHKHABU THE PSALMS 30:1

Aw Lalpa, hun chawiân ka, nang nei kaidawk a, Ei do te chuh nei diliem sak loh ziekin.

EZEKIEL 26:2

“Mihing chapa, Tura chun Jerusalem chungthu a, ‘Ehe! Namte kawtkhak chuh a sie ta a, kei lam ah a kihawng a, a siet gawp vek tâk ziekin kei chuh hung khawsathei ta’ng ka’, a tih ziekin,

JOSHUA 19:29

Chun, gamgi chuh Ramah ah leh Tura khawpi kulh nei ah a kikuol phei a; gamgi chuh Hosah ah a kikuol phei zel a; tichun Akzib gam Tuisuohgiet ah a pawt hi.